Радев од Берлин: Нема да дозволиме легитимација на македонизмот во Европа | Европа | DW | 16.05.2022

Посети ја новата страница на DW

Погледнете ја бета-верзијата на dw.com. Сѐ уште не сме готови! Вашето мислење може да ни помогне да ја направиме подобра!

  1. Inhalt
  2. Navigation
  3. Weitere Inhalte
  4. Metanavigation
  5. Suche
  6. Choose from 30 Languages
Реклама

Европа

Радев од Берлин: Нема да дозволиме легитимација на македонизмот во Европа

По средбите со германскиот државен врв во Берлин, бугарскиот претседател Румен Радев најави дека нема да дозволи легитимација на македонизмот во Европа.

Бугарскиот претседател Румен Радев од Берлин уште еднаш сигнализираше дека нема намера да отстапи од ветото за Северна Македонија во ЕУ. По средбите со германскиот претседател Франк-Валтер Штајнмајер и канцеларот Олаф Шолц во Берлин во понеделникот, Радев на брифинг со бугарските новинари соопшти дека позицијата на Софија наишла на разбирање од неговите германски соговорници.

„Исклучително сум задоволен од разбирањето на кое наиде аргументираната бугарска позиција во врска со Северна Македонија. Во ситуација кога работиме за заедничката европска позиција и за европските институции не треба да дозволиме нашата национална позиција за Северна Македонија да стане заложник на конфликтот во Украина и оваа тенденција да се засилува", изјави Радев. 

Од германска страна немаше изјави по средбите со Радев, ни од претседателот Штајнмајер, ниту од канцеларот Шолц. 

Радев порача дека Бугарија „како одговорен член на ЕУ треба да работи на тоа да интегрира партнери, а не проблеми".
„Тоа е во интерес на долгорочната перспектива за стабилноста на ЕУ." 

Радев во Германија: Цивилизацискиот избор на бугарскиот претседател

Во тој контекст, Радев смета дека почетокот на преговорите на Северна Македонија во ЕУ би било напуштање на европските принципи.

„Неверојатно е како, Европа, која се изгради како пример за останатиот свет во однос на демократијата и човековите права, во толерирањето на јазикот на омразата, е подготвена да им сврти грб на тие принципи и вредности.
Не треба да дозволуваме легитимација на македонизмот, на идеологии од поранешна Југославија и Коминтерната, да си најдат место во ЕУ“, порача Радев од Берлин. 

 

DW.COM