Свет

Поддржувачи на Трамп упаднаа во Конгресот на САД

Претседателски избори во САД 2020

Стотици демонстранти упаднаа во парламентот во Вашингтон во обид да го спречат Конгресот да ја потврди победата на Џо Бајден на изборите во САД. Гласањето е привремено запрено, а во Вашингтон е воведен полициски час.

USA Washington | Bestätigung des Wahlergebnis der US Präsidentenwahl: Demonstranten im Capitol

Полицијата се обидува да ги спречи демонстрантите со солзавец, а на конгресмените им се поделени гас маски. Стотици поддржувачи на претседателот Доналд Трамп успеаја да ги пробијат заштитните огради пред влезот во Конгресот и маршираат внатре во зградата каде пратениците требаше да ја потврдат победата на Џо Бајден на претседателските избори.

-повеќе на темата: Претседателски избори во САД 2020

Полицијата ја евакуираше зградата со конгресмените, а од Сенатот беше извлечен и потпретседателот Мајк Пенс. На неколку објавени фотографии од внатрешноста можат да се видат полицајци во цивил со пиштоли во обид да се одбранат од можниот влез на демонстрантите во салата за седници.

Демонстрантите пред влезот во Конгресот

Хаотичните сцени се случуваат откако Трамп им се обрати на илјадници свои поддржувачи во близина на Белата Куќа, повторувајќи ги своите неосновани тврдења дека изборите му биле украдени со измама. Изборните претставници од обете партии, како и независните набљудувачи не најдоа никакви докази за измама на изборите одржани на 3 ноември минатата година, на кои Бајден победи со повеќе од 7 милиони гласови разлика.

USA Washington | Bestätigung des Wahlergebnis der US Präsidentenwahl: Proteste vor Capitol

Жалбите на Трамп до повеќе судови во земјата за изборите резултати беа одбиени како неосновани.

Процесот на утврдување на изборните резултати во Конгресот, кој вообичаено е формалност, беше очекувано да трае неколку часа поради обидите на некои републикански конгресмени да ги оспорат резултатите.

Како течеше упадот на поддржувачите на Трамп во Капитол

Создавање набој

Бројот на фанатични поддржувачи на Трмап пред Конгресот во САД растеше преку цел ден. Во почетокот, полицијата успеваше да одржува ред.
Како течеше упадот на поддржувачите на Трамп во Капитол

Први судири

Паралелно со заедничката седница на двата дома на Конгресот, Сенатот и Претставничкиот дом, на која требаше официјално да биде потврдена победата на Џо Бајден на претседателските избори, пред Капитол се собираа приврзеници на поразениот претседател Доналд Трамп. Дојде до први судири со полицајците кои требаше да го обезбедуваат Конгресот.
Како течеше упадот на поддржувачите на Трамп во Капитол

Преслаб кордон

Сѐ поразјарената толпа сакаше да продре во Капитол. Полицајците се обидуваа да ги спречат. На некои агресивни поддржувачи на Трамп им успеа да влезат во зградата.
Како течеше упадот на поддржувачите на Трамп во Капитол

Упад во Капитол

Дел од демонстрантрантите успеаја да продрат длабоко во зградата, дури до вратите на Сенатот.
Како течеше упадот на поддржувачите на Трамп во Капитол

Одбрана на последниот бастион

Обезбедувањето се обидуваше да ги држи во „шах“ насилниците во влезната хала. Политичарите во Сенатот низ задна врата беа изведени на безбедно место.
Како течеше упадот на поддржувачите на Трамп во Капитол

Еден се проби

Во меѓувреме, еден од приврзениците на Трамп успешно се проби покрај полицајците и упадна во Сенатот. Од трибината за посетители тој скокна во пленарната сала.
Како течеше упадот на поддржувачите на Трамп во Капитол

Со пиштоли спремни за пукање

Истите слики се повторуваа во другите крила на Капитол. И Претставничкиот дом беше цел на натрапниците. Припадниците на обезбедувањето на Конгресот ги запираа - со вперени пиштоли.
Како течеше упадот на поддржувачите на Трамп во Капитол

Непријателско преземање?

Симпатизерите на Трамп навлегуваа сѐ подлабоко во зградата, сѐ до ходниците со канцелариите на Конгресот. Таму некои се распослаа на работните маси на пратениците.
Како течеше упадот на поддржувачите на Трамп во Капитол

Надвор од контрола

Еден од натрапниците го „присвои“ и пултот за говор на претседателката на Претставничкиот дом, Ненси Пелоси и со него се шеташе низ Капитол. Никој не го запре.
Како течеше упадот на поддржувачите на Трамп во Капитол

Во засолниште

Пленарните сали беа евакуирани. Некои побараа засолниште во галеријата на Претставничкиот дом. Репортерите сведочеа дека биле поделени гас-маски, како заштита од солзавец.
Како течеше упадот на поддржувачите на Трамп во Капитол

Солзавец врз Конгресот

На силите на безбедноста не им остана ништо друго освен да ја растурат разулавената толпа, употребувајќи солзавец.
Како течеше упадот на поддржувачите на Трамп во Капитол

Засилувањето го оконча хаосот во Капитол

Полициските сили добија засилување, Националната гарда поита во помош, а градоначалничката на Вашингтон воведе полициски час до раните утрински часови. Така во Вашингтон ноќта полека се врати мирот.

Автор: Кристин Цајер

DW.COM

Џорџија ја решава иднината на САД

Од исходот на сенаторските избори во Џорџија зависи колку идниот претседател на САД ќе биде способен да владее. Републиканците се закануваат со отпор во случај на пораз.

„Криминален и опасен“: Револт по телефонскиот повик на Трамп во Џорџија

Идната потпретседателка Камала Харис го обвини Доналд Трамп за „дрска и безобразна злоупотреба на службената положба“ по телефонскиот повик во кој бара „прекројување“ на изборниот резултат во негова корист.

Големата серија на помилувања на Трамп продолжува

Сè повеќе приврзеници на Трамп уживаат придобивки од ова дискреционо право на претседателот. Но, акцијата на шефот на американската држава во заминување вклучува и далеку покритични случаи.

И што сега, Америко?

Четири години, големи делови од светот беа во задушувачкиот стисок на Твитер профилот на Доналд Трамп. Актуелниот претседател наскоро ќе мора да ја напушти Белата куќа. Но, иднината е неизвесна, смета Инес Пол.