1. Прескокни до содржината
  2. Прескокни до главната навигација
  3. Кон други страници на DW
Nord-Mazedonien Skopje | Staatspräsident  - Stevo Pendarovski
Фотографија: Press Office of the President of the Republic of North Macedonia

Пендаровски: Одлуката на Бугарската црква е „безобразие“

БГ
21 јуни 2022

Шефот на државата Пендаровски во интервју за ТВ24 часа вели дека го советувал премиерот да не оди во Брисел и ја оценува одлуката на Бугарската црква за признавање на македонската како „безобразие“.

https://www.dw.com/mk/%D0%BF%D0%B5%D0%BD%D0%B4%D0%B0%D1%80%D0%BE%D0%B2%D1%81%D0%BA%D0%B8-%D1%86%D0%B5%D0%BB%D1%82%D0%B0-%D0%BD%D0%B0-%D1%81%D0%BE%D1%84%D0%B8%D1%98%D0%B0-%D0%BD%D0%B5-%D0%B5-%D0%B1%D1%83%D0%B3%D0%B0%D1%80%D0%B8%D1%82%D0%B5-%D0%B4%D0%B0-%D0%B2%D0%BB%D0%B5%D0%B7%D0%B0%D1%82-%D1%81%D0%B0%D0%BC%D0%BE-%D0%B2%D0%BE-%D0%BF%D1%80%D0%B5%D0%B0%D0%BC%D0%B1%D1%83%D0%BB%D0%B0%D1%82%D0%B0-%D0%BD%D0%B0-%D1%83%D1%81%D1%82%D0%B0%D0%B2%D0%BE%D1%82-%D1%82%D1%83%D0%BA%D1%83-%D0%B8-%D0%B2%D0%BE-%D0%BD%D0%BE%D1%80%D0%BC%D0%B0%D1%82%D0%B8%D0%B2%D0%BD%D0%B8%D0%BE%D1%82-%D0%B4%D0%B5%D0%BB/a-62212588

Претседателот Стево Пендаровски вели дека понудениот предлог од Франција може да биде добра основа за компромис со кој Северна Македонија ќе може да влезе во преговарачкиот процес со ЕУ, но смета дека на прашања како историските не им е местото во Преговарачката рамка.

Во интервју за ТВ24, Пендаровски откри дека Бугарија не бара Бугарите да бидат наведени само во Преамбулата на Уставот, туку и во неговиот нормативен дел. Пендаровски вели дека ниту една заедница во државата не е внесена во нормативниот дел на Уставот, па оттука не е можно да влезат ниту Бугарите. Во нормативниот дел на Уставот сега се споменуваат само македонскиот народ, Македонците кои живеат надвор од границите на државата, МПЦ и Исламската верска заедница. 

Притоа, тој вели дека Софија не зборува за „Бугари“, туку за „македонски Бугари“, нешто што тој го толкува како враќање кон „срамната теза“ за дебугаризација на Македонија.

Шефот на државата вели дека за него би било неприфатливо во преговарачката рамка со ЕУ да влезат историски прашања и оспорување на јазикот.

„Никакво чепкање и ревизија на историјата. Јазик и историја не! Ќе има комисија, но напредокот во нејзината работа на ниту еден начин нема да биде предуслов за напредок кон ЕУ“, вели Пендаровски. 

Нови бугарски барања 

Тој оценува дека за Северна Македонија не е лошо доколку во бугарскиот спор се вклучи и трета страна, алудирајќи на вметнувањето на некои прашања од билатералниот спор во преговарачката рамка, со што и ЕУ ќе биде контролор на нивното спроведување. 

Nord-Mazedonien Präsident Stevo Pendarovski (R) und zukünftiger Ministerpräsident Dimitar Kovacevski
Пендаровски го советувал премиерот Димитар Ковачевски да не оди на најавениот самит ЕУ-Западен Балкан во БриселФотографија: Petr Stojanovski/DW

Пендаровски вели дека на вчерашниот состанок на министрите за надворешни работи на ЕУ, Бугарија излегла со пет нови барања за измени во францускиот предлог, а меѓу нив и едно во делот на јазикот со кое се барало „бугарското толкување за македонскиот јазик да добие еднаква правна сила во преговарачката рамка“. Меѓудругото и поради таквиот развој на настаните, Пендаровски рече дека го советувал премиерот Димитар Ковачевски да не оди на најавениот самит ЕУ-Западен Балкан во Брисел в четврток на 23 јуни.

„Самит Западен Балкан-ЕУ? За што да одиме кога ниту една земја не напредува“, вели Пендаровски.

Ковачевски, заедно со српскиот претседател Александар Вучиќ и албанскиот премиер Еди Рама, најавија дека размислуваат дали да одат на самитот во Брисел.
Пендаровски вели дека, сепак, не му се допаѓа што таква одлука се носи на ниво на Отворен Балкан- иницијатива која треба да има чисто економска поента- а не политичка.

Одлуката на Бугарската православна црква од вторникот со која беше призната македонската православна црква, но не и нејзиното име (МПЦ-ОА), Пендаровски ја оценува како „безобразие“. 

 

Прескокни го блокот Тема на денот

Тема на денот

Македонија знаме

Македонскиот руски круг

Mazedonien Ljupco Popovski
Љупчо Поповски
Прескокни го блокот Повеќе теми
Врати се на почетната страница