ЕУ и САД: Изборите - шанса за враќање во нормала | Македонија | DW | 01.09.2016
  1. Inhalt
  2. Navigation
  3. Weitere Inhalte
  4. Metanavigation
  5. Suche
  6. Choose from 30 Languages

Македонија

ЕУ и САД: Изборите - шанса за враќање во нормала

ЕУ и САД го поздравија исходот од вчерашните преговори меѓу лидерите на четирите најголеми политички партии во Македонија. Изборите се шанса за враќање на евро-атлантскиот пат, порачуваат од Брисел.

Еврокомесарите Федерика Могерини и Јоханес Хан во заедничко соопштение го поздравуваат договорот на четирите политички партии, оценувајќи дека донеле „повеќе важни одлуки“ за имплементирање на договорот од Пржино, меѓу нив и закажувањето на изборите за 11 декември.

„Ги повикуваме сите политички партии стриктно да ја почитуваат кредибилноста на изборниот процес, да им дозволат на граѓаните слободен избор, а по изборите, да формираат влада која ќе се зафати со суштински реформи и ќе работи во интерес на сите граѓани“, се наведува во соопштението.

Функционерите на ЕУ повикуваат до крај да се спроведе ланскиот политички договор, вклучително и итните реформски приоритети.

„ЕУ ќе ја продолжи поддршката за овој процес и ќе ѝ помага на земјата да се врати на евро-атпантскиот пат“.

Mazedonien US-Botschafter Jess Baily VORLÄUFIG - NICHT NUTZEN

Амбасадорот на САД, Џес Бејли

Амбасадорот на САД, Џес Бејли рече дека во месеците што следуваат најважно е „што ќе направат партиите, медиумите и граѓаните“.

„Тоа се оние одлуки кои што на крајот ќе ја доведат земјата до кредибилни избори и ќе овозможат државата да оди напред во реформи кои што ќе доведат до евроатлантски интеграции. Тоа ќе биде критичната точка која што ќе се случи. Медиумите ќе имаат важна улога во тоа“, рече Бејли.

Лидерите на четирите најголеми политички партии во земјата, Никола Груевски (ВМРО-ДПМНЕ), Зоран Заев (СДСМ), Али Ахмети (ДУИ) и Мендух Тачи (ДПА) вчера постигнаа договор за одржување избори на 11 декември годинава. Заедничка оценка е дека условите за нивно одржување се исполнети.

DW.COM

Реклама