Wata fashewa ta kashe mutum biyu a Rasha

Mutum biyu sun mutu sakamakon wata fashewa da ta auku a wani sansanin soji a garin Sertolovo da ke yankin Leningrad na Rasha.

 Wata tasha mai suna Mash a Telegram ce ta ruwaito faruwar lamarin dazu-dazunnan kamar yadda hukumomi da kansu suka tabbatar.

Putin ya ce Rasha za ta cimma muradanta na yakar Ukraine

Gwamnan yankin, Alexander Drozdenko, ya ce fashewar ta faru ne a cikin wani ginin soja, sai dai bai bayar da karin bayani ba.

Ya ce, ya umarci jami’an tsaro su taimaka wa sojoji wajen kwashe baraguzai da ceto wadanda suka jikkata sakamakon rushewar ginin sojin a Sertolovo.

Rasha ta kai munanan hare-hare a kudancin Ukraine

Tashar Mash ta Telegram ta kuma ruwaito cewa ana kyautata zaton mutum hudu na iya kasancewa a ƙarƙashin baraguzan ginin.