China ta yi kashedi ga Philippines

China ta gargadi kasar Philippines da cewar ta daina wasa da wuta kan abin da ta kira tsokana a tekun kudancin kasar na Chinar. Wanda ya zama wata hanya ta zirga-zirga jiragen ruwa na kasashen yanki, da China ba ta amince su rika ratsawa ba a wani tsibirinta dake kan ruwan tekun. Saboda haka Chinar ta ja wani dogon layi na wani shinge balanbalo domin  hana jiragen ruwan keta tsibirin na Huwangin.To sai dai a makon jiya jami'an da ke gadin gabar teku na Philippines sun cire shingen wanda suka ce yana kawo cikas a kan harkokin zirga-zirga a kan tekun Chainar. A shekara ta 2016,kotun kasa da kasa ta ICC a kan karar da Philippines ta shigar ta yanke hukuncin cewar babu wani dalili na shari'a ga kasar China na neman  'yancin  a kan yawancin wannan teku da albarkatunsa. Sai dai Chinar ta ki ta martaba hukuncin kotun na ICC.