1. Tsallake zuwa shafin jadawali
  2. Tsallake zuwa jadawalin abubuwan da shiri ya kunsa
  3. Tsallake zuwa karin wasu shafukan DW
Talabijin kai tsaye
Shirye-shiryen DW HausaBidiyo
Mayar da hankali
Ilimin Fasahar Zamani

Shugaban kasar Faransa yana ziyara a Amirka kan batun tsaro

Kamaluddeen SaniNovember 24, 2015

Francois Hollande na Faransa ya isa fadar White House ta Amiraka a ziyarar da yake yi don tattauna yiwuwar yadda za su bullo wa batun kungiyar IS da Shugaba Barack Obama.

https://p.dw.com/p/1HBzN
USA, Francois Hollande und Barack Obama
Hoto: Reuters/C. Barria

Wannan ziyarar Shugaba Francois Hollande dai na daya daga cikin jerin tattaunawar da yake da shugabanin duniya kan hada hannu don dakile harkokin kungiyoyin 'yan ta'adda a duniya.

Duk shugabanin dai sun yi ikirarin za su murkushe kungiyar IS da ke kawo barazana ga duniya baki daya.

Kazalika Shugaba Hollande zai yi irin wannan ganawar da shugabar gwamnatin Jamus Angela Merkel a birnin Paris a ranar Larabar nan, sannan daga bisani ya gana da Vladimir Putin na Rasha da za ta kasance a ranar Alhamis kafin ya tarbi Shugaban kasar China Xi Jinping a Paris a ranar Lahadi.