Rex Tillerson zai kai ziyara kasashen Afirka | Labarai | DW | 02.03.2018
  1. Inhalt
  2. Navigation
  3. Weitere Inhalte
  4. Metanavigation
  5. Suche
  6. Choose from 30 Languages

Labarai

Rex Tillerson zai kai ziyara kasashen Afirka

A makon me zuwa ne sakataren harkokin wajen Amirka Rex Tillerson zai kai wata ziyara kasashen Afirka kamar yadda ma'aikatar harkokin wajen Amirka ta bayyana a ranar Alhamis.

Ziyarar da ke zama ta farko a wannan nahiya tun bayan da Shugaba Donald Trump ya hau karagar mulki.

Tillerson zai ziyarci manyan biranen kasashen Chadi da Djibouti da Habasha da Kenya da Najeriya, a ziyarar da zai kai tsakanin ranakun shida zuwa 13 ga watan nan na Maris kamar yadda Heather Nauert da ke magana da yawun ma'aikatar harkokin wajen na Amirka ta bayyana a ranar Alhamis.

Wannan ziyara dai ta Tillerson na zuwa ne bayan da mai gidansa Trump a watan Janairu ya bayyana kasashen na Afirka a matsayin kofar shadda, ana kuma sa ran a lokacin ziyarar ya gana da shugabanni na kasashen da shugabanni a kungiyar AU inda za su mayar da hankali kan batutuwa da suka shafi tsaro da kasuwanci da shugabanci nagari.