Jami'an tsaro na binciken 'yan adawa a Rasha
September 12, 2019Talla
A wannan rana ta Alhamis 'yan sanda suka fara binciken gidaje da guraren sana'o'in magoya bayan jagoran adawar kaar Rasha, Alexei Navalny, da kuma wadanda suka bi umarninsa na zuba kuri'un da za su kawo karshen jam'iyya mai mulki ta shugaban kasar Vladmir Putin a zaben da ya gudana a ranar Lahadin da ta gabata.
Wannan samame ya biyo bayan binciken da hukumar yaki da cin hancin kasar ta Rasha ta kaddamar kan Navalny da masu hannu da shunin da ke mara masa baya a siyasance.