1. Tsallake zuwa shafin jadawali
  2. Tsallake zuwa jadawalin abubuwan da shiri ya kunsa
  3. Tsallake zuwa karin wasu shafukan DW
Talabijin kai tsaye
Shirye-shiryen DW HausaBidiyo
Mayar da hankali
Ilimin Fasahar Zamani
SiyasaAfirka

Ganawar Putin da Xi Jinping na daukar hankali

Ramatu Garba Baba
March 20, 2023

Ganawar Shugaba Xi Jinping da takwaransa Vladimir Putin ta dauki hankulan kasashen da suka mayar da Rasha saniyar ware saboda mamayar Ukraine.

https://p.dw.com/p/4OwJl
Shugaba Xi Jinping a Mosko
Shugaba Xi Jinping a MoskoHoto: Ilya Pitalev/SNA/IMAGO

Shugaban kasar Chaina Xi Jinping ya isa birnin Mosko a ziyararsa ta farko tun bayan da Rasha ta soma mamayar makwabciyarta Ukraine, a jawabinsa ga manema labarai a gabanin ziyarar, Shugaba Xi ya ce,  yana da kwarin gwiwa cewa, ziyarar za ta kasance mai amfani da kara bude wata sabuwar kafa ga ci gaba na zaman lafiya tare da inganta dangantakar da ke tsakanin kasarsa da Rasha.

Ganawar na zuwa ne kwanaki kalilan bayan da Kotun Hukunta Manyan Laifuka ta Duniya ICC, ta bayar da sammacin kama shugaban kasar ta Rasha Vladimir Putin, domin tuhumarsa a kan aikata laifukan yaki a kasar Ukraine, a martaninta, Rashan ta ce, ta shirya kalubalantar matakin kotun ICC a gaban shari'a kan sammacin kama Shugaba Putin.