Kamun dan takarar shugaban kasa a Najeriya
August 5, 2019Talla
Masu rajin kare hakkin dan Adam da 'yan siyasa na bangaren adawa a Najeriya sun yi tir da Allah wadai da kamun Omoyele Showore inda suke cewa yin hakan kokari ne na dankwafe 'yan adawa a Najeriya.
Masu aiko da rahotanni sun ce kamun na Sowore na da nasaba ne da wani kiran da ya yi na a gudanar da juyin juya hali a Najeriya.Tun a ranar da ya bayyana wannan fatan ne dai aka daina jin duriyarsa, sai a jiya Lahadi da jami'an tsaro sun ambata cewa ya shiga komarsu.