1. Tsallake zuwa shafin jadawali
  2. Tsallake zuwa jadawalin abubuwan da shiri ya kunsa
  3. Tsallake zuwa karin wasu shafukan DW
Talabijin kai tsaye
Shirye-shiryen DW HausaBidiyo
Mayar da hankali
Ilimin Fasahar Zamani
Siyasa

Umurnin kotu kan sakin editan jaridar Sahara Reporters

Gazali Abdou Tasawa
September 24, 2019

Wata kotun birnin Abuja a Najeriya ta umurci da a saki editan Jaridar Sahara Reporters ta saman intanet wato Omoyele Sowore bayan da ya kwashe kwanaki 45 a hannun hukuma. 

https://p.dw.com/p/3QBEX
Nigeria Omoyele Sowore
Hoto: CC by M. Nanabhay

Sai dai alkalin kotun Taiwo Taiwo wanda ya umurci hukumomin da ke tsare da dan jaridan mai adawa da gwamnatin Shugaba Muhammadu Buhari da su mika shi a hannun lauyansa, ya kuma umurci dan jaridan da dunga amsa kiran kotu a duk lokacin da ta kira shi domin shari'a. 

A farkon watan Agustan da ya gabata ne dai hukumar 'yan sanda ciki ta Tarayyar Najeriya ta shigar a gaban kotun kasar da takardar bukatar ci gaba da tsare editan jaridar ta Sahara Reporters mai shekaru 48, bayan da da ma ya kwashe kwanaki 90 a tsare.

Bukatar da kotun ta amince a wancan lokaci kafin a yau ta ba da umurnin sakinsa. Mahukuntan Najeriyan dai sun kama dan jaridan ne na bangaren adawa da ya yi fice wajen caccakar gwamnatin Shugaba Buhari bayan da a shafukan sada zumunta na zamani ya yi kira ga 'yan Najeriya da su fito su gudanar da juyin-juya hali a kasar.