1. Tsallake zuwa shafin jadawali
  2. Tsallake zuwa jadawalin abubuwan da shiri ya kunsa
  3. Tsallake zuwa karin wasu shafukan DW
Talabijin kai tsaye
Shirye-shiryen DW HausaBidiyo
Mayar da hankali
Ilimin Fasahar Zamani
SiyasaJamus

MDD: An samu tashin farashin abinci a Afika

Muntaqa Ahiwa
April 17, 2021

Majalisar Dinkin Duniya ta ce daga shekarar da ta gabata, farashin kayan abinci ya tashi a yankin Afirka ta Yamma, saboda matakan kullen corona da aka dauka.

https://p.dw.com/p/3s9WU
BG Wasserverbrauch Anbauprodukte Afrika | Hirse in Simbabwe
Hoto: Getty Images/AFP/J. Njikizana

Tashin farashin wanda ba a ga irin sa ba kusan shekaru goma a cewar hukumar kula da abinci ta Majalisar Dinkin Duniya, ya kai sama da kashi 30%, inda baya ga matsalar coronar akwai ma ta ragowar da aka samu wajen samun amfanin gona a daminar bana.

A wani hasashen da ta yi, Majalisar Dinkin Duniyar ta yi bayanin cewa mutum miliyan 31 za su fuskanci karancin abinci a yammacin na Afirka a tsakanin watan Yuni zuwa Agustan wannan shekara.

Hakan kuma kamar yadda ta nunar, zai iya haddasa wasu matsalolin lafiya masu bukatar daukin gaggawa, kari a kan annobar corona da ma saurarn nau'uka na rikice-rikice da ake fama da su a wasu kasashen yammacin na Afirka.

A halin yanzu dai farashin abinci kamar shinkafa da sauran tsaba, ya tashi ne da sama da kashi 40%, tashin da ba a gani ba a wasu kasashen yankin shekaru sama da biyar.