1. Tsallake zuwa shafin jadawali
  2. Tsallake zuwa jadawalin abubuwan da shiri ya kunsa
  3. Tsallake zuwa karin wasu shafukan DW
Talabijin kai tsaye
Shirye-shiryen DW HausaBidiyo
Mayar da hankali
Ilimin Fasahar Zamani
Siyasa

Mali ta samu jiragen yaki daga Rasha

Binta Aliyu Zurmi MAB
August 9, 2022

Jiragen yaki samfurin L39 guda biyar da guda da ke saukar angulu sun isa Mali daga kasar Rasha da ke zama babbar abokiyar dasawarta a yakin da suke yi da mayakan jihadi a kasar da ma yankin sahel baki daya.

https://p.dw.com/p/4FL2G
Mali I Russland I Militär
Hoto: Nicolas Remene/Le Pictorium/imago images

Shugaban gwamnatin rikon kwarya na kasar Mali kanal Assimi Goita da wasu manyan jami'an diflomasiyar kasar Rasha ne suka kaddamar da bikin saukar jiragen a Mali. Wannan dai ba shi ne karon farko da kasar ta Mali ke samun jirage da ma kayayakin yaki da 'yan ta'adda daga kasar ta Rasha ba.

A jawabin da ya gabatar, ministan tsaron kasar Sadio Camara ya ce wannan bikin na cike da tarihi sakamakon shirin murkushe mayakan 'yan ta'adda a kasar. Ya kuma jinjina wa dangantakar da ke tsakanin Mali da Rasha, wadda ya ce suna fatan ganin dorewar ta.