Labarai
Kungiyar G7 na shirin kawo karshen amfani da makamashin kwal
Shugabannin kungiyar kasashe masu cigaban masana'antu na G7 sun cimma matsaya na kawo karshen amfani da makamashi kwal nan da shekarar 2035 a sanarwar da kungiyar ta fidda.
Sanarwar da Jamus da Birtaniya da Faransa da Italiya da Japan da Canada gami da Amirka suka fidda a karshen taronsu na kwanaki uku a Berlin, na zuwa ne a daidai lokacin da kasashen yamma ke fuskantar barazanar tsadar makamashi a sabili da yakin da Rasha ke yi a Ukraine. Kuma suke neman sabbin hanyoyin rufe gibin makamashin da suke samu daga Rasha ruwa a jallo.
Jamus da ke zama shugabar kungiyar a yanzu haka ta ce a yayin da suke kokarin lalubo sabbin hanyoyi dole ne su lura da bukatar inganta muhalli.
Shugabannin kungiyar dai sun sha alwashin karkata ga makamashin da ake sabuntawa. A karon farko kungiyar ta G7 ta kuma sha alwashin taimakawa kasashe matalauta a saboda kalubalen da suke fuskanta kan sauyin yanayi.
- Kwanan wata 27.05.2022
- Mawallafi Binta Aliyu Zurmi
- Rahotanni masu dangantaka Faduwar katangar Berlin zuwa hadewar Jamus, Berlin
- Muhimman kalmomi Kungiyar G7, Makamashin Kwal, Taron G7, Berlin
- Ra'ayinku: Aiko mana da ra'ayi
- Bugawa Buga wannan shafi
- Permalink https://p.dw.com/p/4Bxyr
Bayanai masu kama
- Kwanan wata 27.05.2022
- Mawallafi Binta Aliyu Zurmi
- Rahotanni masu dangantaka Faduwar katangar Berlin zuwa hadewar Jamus, Berlin
- Muhimman kalmomi Kungiyar G7, Makamashin Kwal, Taron G7, Berlin
- Aiko mana da ra'ayi
- Bugawa Buga wannan shafi
- Permalink https://p.dw.com/p/4Bxyr