September 23, 2019
Talla
A gasar Bundeliga ta nan Jamus a karshen mako bayan fafatawa tsakanin kungiyoyin kwallon kafa da dama a yanzu kungiyar Leipzig ce ke jagorancin teburin gasar da maki 13, Bayern Munich na take mata gargada da maki 11, a yayin da Dortmund tana matsayi na uku da maki 10, a yain da a sauran filayen wasanni a nahiyar Turai ake ci gaba da kafsawa tsakanin kungiyoyin wasannin kwallon kafa, a daidai lokacin da ake ta kece reni tsakanin 'yan wasa a gasar neman cin kofin zari-ruga ta duniya da ke gudana a kasar Japan. Idan kuka saurari shirin za ku ji karin haske kan yadda Kamaru ta nada sabon mai horas da 'yan wasan kungiyar kwallon kafa ta kasar.