Martani kan haramta wa mata Jami'a

Gomman mata ne dai a yanzu haka suke gudanar da zanga-zanga a kofar jami'ar Kabul, wanda ke zama gangamin adawa na farkon irinsa a bangaren al'ummar Afghanistan, tun bayan da Taliban din ta sanar da rufe kofar jami'ointa ga mata.

Tun jiya ne dai aka rika korar dalibai mata da suka je jami'a don daukar darasi, biyo bayan bayan umurnin da gwamnatin Afghanistan din ta bayar na cewar, daga yanzu an harantawa mata zuwa manyan makarantu a kasar.

Tuni dai kasashen ketare ke sukar manufofin gwamnatin Taliban din na kin bude makarantun sakandare na yara mata, tun daga watan Maris, matakin da ta yi alkawarin yin waiwaye a kansa.