Najeriya: Tattaunawa kan matsalolin zabe

Wannan taro da hukumar ta INEC ta shirya ga masu ruwa da tsaki a harakar zaben Najeriyar da kungiyoyin farar hula da suke saka ido a kan zaben don bayyana wa juna gaskiyya a kan abubuwan da ke faruwa wadanda ke bukatar gyara. A zabbukan baya dai a Najeriya an yi ta samun kura-kurai,kama daga aringizon kuri’u zuwa ga sace akwati baya ga wadanda suka tada hankali ta hanyar rigingimu, batun gyara da samun ci gaba ya zama kan gaba a taron. A karshen  taron dai an fadakar da wakilan kungiyoyin dabam-dabam yadda za su iya tinkarar sha'anin zaben domin magance matsalar da ake fuskanta a lokutan zabukan a Najeriya.