HRW ta zargi Kamaru da gaza dakile cin zarafin mata a kasar

Kungiyar kare hakkin 'dan adam ta duniya Human Rights Watch, ta zargi gwamnatin Kamaru da gaza tabuka komai wajen yakar mummunar ta'adar nan ta cin zarafin mata a kasar, wanda ke ci gaba da karuwa a kullum.

Rahoton da Human Rights Watch ta fitar ranar Laraba, ya ce duk da alkawarin da mahukuntan Kamaru suka yi a shekarar 2011 na dakile wannan matsala, har yanzu abin kara habaka yake, musamman bangaren yadda mazaje ke gallazawa matansu na aure ko 'yan mata abokan zamansu.

Karin bayani: Kungiyar Human Right Watch ta koka da karuwar kame masu mu'amalar jinsi daya a Kamaru 

Wata kididdiga da hukumomin Kamaru suka fitar, ta nuna cewa mata 77 abokan zamansu suka kashe a shekarar 2024, wanda Human Rights Watch ta ce alkaluman sun haura haka, kasancewar ba dukkan mace-macen ake kai rahoton afkuwarsu ba.

Karin bayani:  

A shekarar 2023 ne hukumar bunkasa kasashe da tabbatar da daidaito ta Majalisar Dinkin Duniya UNDP, ta sanya Kamaru a matakin kasa ta 148, daga cikin 162, wadanda ke gaza samar da daidaito a sha'anin bayar da ilimi da kiwon lafiya da kuma aiki a duniya.