Haramta zanga-zanga a Burundi | Labarai | DW | 11.05.2015
  1. Inhalt
  2. Navigation
  3. Weitere Inhalte
  4. Metanavigation
  5. Suche
  6. Choose from 30 Languages

Labarai

Haramta zanga-zanga a Burundi

Kimanin mutane 2,000 ne suka yi maci a wani yanki da ke da makwabtaka da Bujumbura babban birnin kasar Burundi bisa sanya idanun 'yan sanda.

Macin dai na zuwa ne a dai-dai lokacin da mahukuntan Burundi suka bayar da umurnin haramta duk wata zanga-zanga a kasar. Al'ummar Burundi dai sun kwashe tsahon kwanaki suna zanga-zanga a kan tituna domin nuna adawarsu da shirin yin tazarce a karo na uku da shugaban kasar Pierre Nkurunziza ya kudiri aniyar yi, kudirin da suka ce ya sabawa kundin tsarin mulkin kasar.

A karkashin kundin tsarin mulkin Burundi dai wa'adin mulki biyu na shekaru biyar ne shugaban kasa ke da damar yi. Nkurunziza ya dage kan cewa yana da damar tsayawa takara a karo na uku kasancewar 'yan majalisar dokokin kasar ne suka zabe shi a karon farko wanda ya ce hakan ya ba shi damar tsayawa karo na uku.