1. Tsallake zuwa shafin jadawali
  2. Tsallake zuwa jadawalin abubuwan da shiri ya kunsa
  3. Tsallake zuwa karin wasu shafukan DW
Talabijin kai tsaye
Shirye-shiryen DW HausaBidiyo
Mayar da hankali
Ilimin Fasahar Zamani
SiyasaTurai

Dubban bakin haure sun shiga Burtaniya

Muntaqa Ahiwa
May 25, 2024

Dubban baki ne suka shiga cikin kasar Burtaniya a wannan shekarar, abin da masana ke yi wa kallon ya iya kawo nakasu ga gwamnati a muhimmin zaben da ke gabanta.

https://p.dw.com/p/4gHT1
Firaministan Burtaniya, Rishi Sunak
Firaminista Rishi Sunak na BurtaniyaHoto: Stefan Rousseau/AP/picture alliance

Sama da masu neman mafaka mutum dubu 10 suka shiga kasar Burtaniya a wannan shekarar cikin kananan jiragen ruwa, wani abu da ke nuna jan aiki da ke iya shafar Firaminista Rishi Sunak a zaben watan Juli.

A shekarar da ta gabata ne aka lura cewa adadin masu shiga kasar ta hanyar tafiyar kasada sun ragu, sai kuma ga shi sabbin alkaluma da aka wallafa a shafin gwamnti na nuna mutum dubu 10 da 170 sun kutsa kasar daga farkon watan Janairu zuwa yau 25 ga watan Mayu.

A baran dai bayanai sun nuna cewa mutum dubu bakwai da 395 baki suka shiga Burtaniyar a daidai wannan lokaci.

Firaminista Rishi Sunak, wanda ya sanar da ranar zabe a Larabar da ta gabata, ya bayyana cewa duk wani mai neman mafakar da ya shigo kasar ba bisa ka'ida ba, ya sani cewa za a aika da shi kasar Ruwanda kafin lokacin zaben.