Dan shugabar Laberiya ya sha kaye a zaben kasar | Labarai | DW | 23.12.2014
  1. Inhalt
  2. Navigation
  3. Weitere Inhalte
  4. Metanavigation
  5. Suche
  6. Choose from 30 Languages

Labarai

Dan shugabar Laberiya ya sha kaye a zaben kasar

Robert Sirleaf da suka fafata da George Weah da yayi fice a fagen kwallon kafa a duniya ya sha kaye a zaben 'yan majalisar dattawan Laberiya.

Dan gidan shugaba Ellen Johnson Sirleaf ta Laberiya Robert Sirleaf ya sha kaye a hannun shahararran tshohon dan wasan kwallon kafar kasar George Weah a zaben majalisar dattawan kasar da ya gudana a karshen makon da ya gabata.

Gidan rediyon Veritas a kasar ta Laberiya ya bada wannan rahoto.

Takarar dai ta George Weah da Robert Sirleaf ta zama takara mafi zafi da ta dauki hankulan al'umma a zaben kasar ta Laberiya wanda aka dage har sau biyu tun daga watan Oktoba saboda fargabar cutar Ebola.

Weah da ya zama dan wasan da yafi kowa bajinta a duniya kamar yadda Hukumar FIFA ta bayyana a shekarar 1995, shi ya kafa jam'iyyar Congress for Democratic Change da ke adawa ya kuma samu kashi 80 cikin dari na kuri'un da aka kada a yankin Montserrado kamar yadda sakamakon zaben na yammacin jiya Litinin ya nunar.

Mawallafi: Yusuf Bala
Edita: Umaru Aliyu