Bikin Sallah karama cikin yanayi na annoba

A bana dai shagulgula za su bambanta a duniyar da yanda aka saba yin su a baya da akalla ake kwashe kwanaki uku, saboda halin da ake ciki na annobar corona.

Kasar Indonesiya, da ta fi kowace kasa yawan al'umar musulmi da yawansu ya zarta mutum miliyan 240, na daga cikin kasashen da ke Sallar a yau Lahadi.

Bayanai daga kasar na cewa akwai kimanin mutum dubu 22 da suka kamu da cutar COVID-19, wasu dubu da 350 kuwa suka mutu.

A yau din dai kusan a dukkanin kasashen na duniya, za a gudanar bukukuwan na Sallah ne tsakanin iyali ba tare da haduwa ta jam'i  ko wasanni na al'ada ba.