Annobar amai da gudawa ta barke a Nijar | Zamantakewa | DW | 10.08.2021
  1. Inhalt
  2. Navigation
  3. Weitere Inhalte
  4. Metanavigation
  5. Suche
  6. Choose from 30 Languages

Zamantakewa

Annobar amai da gudawa ta barke a Nijar

Gwamnatin Jamhuriyar Nijar ta bayyana barkewar annobar cutar amai da gudawa ko Cholera a wasu jihohi uku na kasar.

Niger - Gesundheitsstation in Garin Goulbi

Mutane da dama ne dai cutar amai da gudawar ta shafa a jihohin uku na Nijar

Kawo yanzu kimanin mutane 12 ne annobar ta yi sanadiyar mutuwarsu. Yayin wani taron manema labarai da ya gudanar a Yamai fadar gwamnatin kasar, ministan kiyon lafiya na Jamhuriyar ta Nijar Dakta Iliyassou Idi Mainassara ya yi karin haske kan barkewar annobar cutar amai da gudawar. Ministan ya nunar da cewa a yanzu haka cutar ta yi kamari a jihohin Maradi da Damagaram da Dosso.

A jihar Damagaram, annobar ta barke a cikin yankin Tanout da Magarya da Damaram ta Kaya da Mirya. A jihar Maradi kuwa annobar ta barke a cikin gundumar Madarunfa da Gidan Rumji da Maradi Gari, sai jihar Dosso inda aka samu barkewar annobar a  gundumar Gaya da Dogon Dutsi. Kawo yanzu a cewar Minista mutane 213 ne suka kamu kuma 12 cikinsu cutar ta yi ajalinsu.

 

Sauti da bidiyo akan labarin