An sanar da ranar zaben Aljeriya

Fadar shugaban kasar Aljeriyar ce ta bayyana ranar Alhamis hudu ga watan Yulin bana, a matsayin ranar da za a gudanar da zabe shugaban kasa. Cikin wata sanarwar da aka fitar a wanna Laraba, fadar ta Aljeriya ta tabbatar da hakan. 

A ranarTalata ne kuwa shugaban rikon kasar na yanzu, Abdelkader Bensalah, ya yi alkawarin sama wa al'umar kasar zabe mai tsafta.

Makonni da dama ne dai al'umar kasar ke ta zangar-zangar adawa da shugabancin kasar, da ta kai ga murabus din tsohon shugaba Abdelaziz Bouteflika wanda ya shafe shekaru 20 bisa karaga.

Bisa tsari dai kwanaki 90, Shugaba Abdelkader Bensalah zai yi, kafin ya mika wa sabuwar gwamnati mulki.