1. Tsallake zuwa shafin jadawali
  2. Tsallake zuwa jadawalin abubuwan da shiri ya kunsa
  3. Tsallake zuwa karin wasu shafukan DW
Talabijin kai tsaye
Shirye-shiryen DW HausaBidiyo
Mayar da hankali
Ilimin Fasahar Zamani
Siyasa

Trump na shirin dora sabon takunkumi ga Rasha

Yusuf Bala Nayaya
August 9, 2018

Amirka ta bayyana shirin maka sabon takunkumi ga kasar Rasha saboda yunkurin kisa ta hanyar amfani da wani sinadari da ya sabawa ka'ida kan tsohon jami'in leken asiri da 'yarsa a Birtaniya farkon wannan shekara.

https://p.dw.com/p/32rzK
Britische Armee Soldaten in Schutzanzügen Gasmasken
Hoto: Getty Images/C.J. Ratcliffe

Sabon takunkumin za a sanya shi kan Rasha nan gaba a cikin wannan wata, abin da ke zuwa duk da alamun ingantar dangantaka tsakanin Shugaba Donald Trump na Amirka da Vladimir Putin na Rasha da aka fara gani a baya. A cewar ofishin harkokin wajen kasar ta Amirka, mahukuntan na birnin Washington a wannan mako sun amince cewa Rasha ta yi amfani da sinadari me guba a kokarinta na halaka Sergei Skripal da 'yarsa Yulia don haka dole karin takunkumi ya biyo bayan kasar ta Rasha.

Ma'aikatar ta ce an sanar da majalisa a ranar shida ga wannan wata na Agusta don haka takunkumin zai fara aiki a wuraren ranar 22 ga watan nan na Agusta. Takunkumin da zai shafi hana siyar wa Rasha kaya da za su shafi harkokin tsaro kamar yadda wani babban jami'i a ma'aikatar harkokin wajen na Amirka da bai so a bayyana sunansa ba ya bayyana.