ድህረ ምርጫ በደቡብ ምእራብ ኢትዮጵያ ክልል ቃለ መጠይቅ

የደቡብ ምእራብ ኢትዮጵያ ክልል  እንደ ክልል ከተዋቀረ ወዲህ ዘንድሮ ለመጀመሪያ ጊዜ ነው እንደ ክልል ምርጫ ሲከናወንበት ። አራት ብዝኃ ከተሞችን አካትቶ በተዋቀረው በዚህ ክልል ታምራት ዲንሳ የፕሬዚደንቱ እና የፖለቲካ መቀመጫ በኾነው የከፋ  ቦንጋ ከተማ ዛሬ ይገኛል ።  22 የምርጫ ክልሎች ያሉት የደቡብ ምእራብ ኢትዮጵያ  171 የክልል ወንበሮች አሉት ። ከ1780 በላይ የምርጫ ጣቢያዎች አማካኝነት ነው በክልሉ የዘንድሮው አገር አቀፍ ምርጫ የተከናወነው ። ትናንት  በጅማ እና አጋሮ በሚገኙ የምርጫ ጣቢያዎችን የተመለከተው ባልደረባችን ታምራት ዛሬ ደግሞ እስከ ቦንጋ ከተማ ድረስ ያየውን፣ ያስተዋለውን ያካፍለናል ።

ሲመሠረት አራት ብዝኃ ከተሞችን በማካተት የተዋቀረው የደቡብ ምእራብ ኢትዮጵያ ክልል  የቦንጋ ከተማ ከኦሮሚያ ክልል  ጅማ ከተማ 105 ኪሎ ሜትሮች ርቀት ላይ ይገኛል ። 

አንጻራዊ ሰላም ያለባቸው ተብለው ከሚጠቀሱ ክልሎች መካከል አንዱ እና ተጠቃሽ ተብለው ከሚጠቀሱት መካከል የደቡብ ምእራብ ኢትዮጵያ ክልል ነው ያለው ታምራት የከፋው ቦንጋ ከተማ እስኪደርሱ ድረስ «ምንም አይነት ችግር» እንዳልገጠማቸው ገልጧል ።

ጥቅጥቅ ደኖች በብዛት በሚገኙበት አረንጓዴያማው መስመር ላይ እነ ታምራት ያነጋገሯቸው ሰዎች  «አካባቢው ፀጥታው የተጠበቀ» መኾኑን እንደነገሯቸው ገልጧል ። የአካባቢው ሰው እንደማንኛውም ሰው ለውጥ እንደሚሻ፣ «የኑሮ ውድነቱ እንዲቀረፍ፣ የዋጋ ግሽበት ወደ ቦታው እንዲመለስለት» ምኞታቸው መኾኑን መግለጣቸውንም አክሎ ዘግቧል ።  

ከታምራት ዲንሳ ጋር የተደረገውን ቃለ-መጠይቅ በድምፅ ማገናኛው በኩል ማድመጥ ይቻላል

ታምራት ዲንሳ

ማንተጋፍቶት ስለሺ

እሸቴ በቀለ

#ምርጫ2018  #EthiopiaElection2026