የእሥራኤል-ዩናይትድ ስቴትስ ኢራን ጦርነት ዳፋ ለኢትዮጵያ፦ እንወያይ

የእሥራኤል-ዩናይትድ ስቴትስ ኢራን ጦርነት  ከተቀሰቀሰበት ከሁለት ወራት ግድም አንስቶ በመላው ዓለም የኤኮሚ እና የደሕንነት ምስቅልቅል አስከትሏል ። የጦርነቱ ዳፋ ከመካከለኛው ምስራቅ አልፎ መላው ዓለምን አዳርሷል ። ኢራን በፍኖተ ሆርሙዝ በኩል ነዳጅ የጫኑ መርከቦች እንዳያልፉ መከልከሏ ኢትዮጵያን ጨምሮ በየአገሩ ብርቱ የነዳጅ እጥረት አስከትሏል ።

ከዕለት ተዕለት እንቅስቃሴ አንስቶ፣ ለማዳበሪያ እና ለከፍተኛ የኢንዱስትሪ ግብዓቶችም ነዳጅ እጅግ በአንገብጋቢነት ከሚያስፈልጋቸው አገራት መካከል ኢትዮጵያም አንዷ ናት ። የነዳጁ እጥረት በኅብረተሰቡ የዕለት ተዕለት እንቅስቃሴ እንዲሁም በምርት ግብዓቶች አቅርቦት ላይ አሉታዊ ተጽእኖ ማሳረፉ እየተስተዋለ ነው ።

በአንዳንድ አካባቢዎች የነዳጅ እጥረቱ ተባብሶ ነዳጅ በጥቁር ገበያ በውድ ዋጋ እየተሸጠ ስለመሆኑ መረጃዎች እየወጡ ነው ። በተለያዩ  የኢትዮጵያ አካባቢዎች ቤንዚን አንዱ ሊትር ከ1500 እስከ 2000 ብር ድረስ  እየተሸጠ እንደሚገኝ በርካቶች ለዶይቸ ቬለ ተናግረዋል ። ከሰሞኑ የትንሣኤ በዓል ወቅትም የተለያዩ ግብአቶች ከሌላ ጊዜው በተለየ ዋጋቸው እጅግ ከፍ ብሎ ታይቷል ።

የእሥራኤል-ዩናይትድ ስቴትስ ኢራን ጦርነት የተኩስ አቁሙ ቢራዘምምም በሆርሙዝ ሰርጥ ኢራን ቁጥጥሯን በማጥበቋ እና ዩናይትድ ስቴትስም በኢራን ወደቦች ላይ የጣለችው ገደብ ባለመነሳቱ ውጥረቱ አይሎ ቀጥሏል ። ለመሆኑ ይህ የመካከለኛው ምሥራቅ ውጥረት መቀጠሉ  ኢትዮጵያ ላይ ያሳደረው ጫና እንዴት ይቃኛል? የውይይታችን ዐቢይ ትኩረት ነው ።  

በውይይቱ ሦስት እንግዶች ተሳታፊ ናቸው ።

1. ዶ/ር አብዱልመናን መሐመድ፦ የኤኮኖሚ ተንታኝ

2. አቶ መስፍን አማን፥ የፖለቲካ ተንታኝ

3. ጋዜጠኛ አበበ ፈለቀ የዶይቸ ቬለ የዋሽንግተን ዘጋቢ ናቸው ።

እንግዶቻችን በውይይቱ ተሳታፊ ለመኾን ፈቃደኛ በመኾናችሁ፦

ሙሉውን ውይይት በድምፅ ማእቀፉ በማገናኛ በኩል ማድመጥ ይቻላል ።

ማንተጋፍቶት ስለሺ

ሸዋዬ ለገሠ