کس ملک کے لوگ ہیں سب سے خوش ؟
انتہائی سرد موسم کے باوجود فن لینڈ دنیا کا سب سے خوش ملک ہے۔ برونڈی ، یمن، تنزانیہ، وسطی افریقی ریاست اور جنوبی سوڈان سب سے ناآسودہ ممالک ہیں۔
فن لینڈ سب سے آسودہ اور خوش ملک
اقوام متحدہ کی جانب سے جاری رپورٹ کے مطابق 156 ممالک میں فن لینڈ سب سے آسودہ اور خوش ملک ہے۔ ناروے، ڈنمارک، آئس لینڈ اور سوئٹزرلینڈ کا شمار پہلے پانچ خوش ترین ممالک میں ہوتا ہے۔ اس رپورٹ کو آزادی، بد عنوانی، طویل عمر اور سماجی تعاون کی بنیاد پر مرتب کیا گیا ہے۔
خوش تارکین وطن
اس سال رپورٹ میں مختلف ممالک کو وہاں آباد تارکین وطن کی صورتحال سے بھی ناپا گیا ہے۔ اور اس لحاظ سے بھی فن لینڈ نمبر ایک کی پوزیشن پر ہے۔ یہاں تیس لاکھ غیر ملکی افراد رہائش پذیر ہیں۔
جرمنی پندرہیوں نمبر پر
جرمنی میں گزشتہ دو سے تین برسوں میں کئی لاکھ مہاجرین آباد ہوئے ہیں لیکن اس تناظر میں جرمنی رینکنگ میں 28 ویں نمبر پر آتا ہے۔ مجموعی طور پر جرمنی پندہویں نمبر پر ہے، امریکا اٹھارویں اور برطانیہ انیسویں نمبر پر ہے۔
امریکی عوام نا خوش
امریکا اس انڈیکس میں شامل پہلے دس ممالک میں کبھی شامل نہیں ہو سکا۔ اس سال وہ گزشتہ برس کے مقابلے میں چار پوزیشنز مزید نیچے آگیا ہے۔ امریکا کے ایک اقتصادی ماہر جیفری ساکس کے مطابق امریکا موٹاپے کی وبا، ڈپریشن کا عدم علاج اور منشیات کے استعمال کے باعث مسلسل مسرت کے انڈیکس میں زوال پذیر ہے۔
نارڈک ممالک سب سے خوش
2012 سے اب تک یورپ کے نارڈک ممالک خوشی کے انڈیکس میں ٹاپ پوزیشنوں پر رہتے ہیں۔ 2016 میں ڈنمارک کو دنیا کا سب سے خوش ملک قرار دیا گیا تھا۔
پاکستان کس نمبر پر ؟
سارک ممالک میں پاکستان اس انڈیکس میں 75 ویں نمبر پر ہے، نیپال 101ویں، بھوٹان 97 ویں، بنگلہ دیش 115 ویں ، سر لنکا 116 ویں، چین 86 ویں نمبر اور بھارت 133 ویں نمبر پر رہا۔