کراچی ٹیسٹ میچِ بابر اعظم اور محمد رضوان نے ڈرا کر دیا

میزبان آسٹریلیا کی کرکٹ ٹیم نے کراچی میں پہلے بیٹنگ اور پھر شاندار بالنگ سے میچ میں تماشائیوں کی دلچسپی کو زندہ رکھا۔ کراچی کے نیشنل اسٹیڈیم کی پِچ پانچویں دن اسپن بالروں کو مدد دے رہی تھی اور اس کا آسٹریلوی اسپن بالروں نے بھرپور فائدہ اٹھایا۔

کراچی ٹیسٹ، آسٹریلیا نے جھنجھوڑ ہی دیا

اس صورت حال کا آسٹریلوی اسپن بالروں کی جوڑی نیتھن لیون اور میچل سویپسن کی شاندار بالنگ اپنی ٹیم کو فتح کے قریب لانے میں کامیاب رہی۔

پاکستان کی دوسری اننگ

پاکستانی ٹیم کو اپنی دوسری اننگ میں آسٹریلوی ٹیم کے پہاڑ جیسے اسکور کے بوجھ کا سامنا تھا۔ اس کی سب سے بڑی وجہ پہلی اننگ میں میزبان ٹیم کا محض ایک سو اڑتالیس پر آؤٹ ہونا تھا۔

بابر اعظم کے آؤٹ ہونے کے بعد مہمان ٹیم کے بالروں نے پاکستانی بیٹرز کو شکست کے دہانے پر پہنچا دیا۔ ایسے میں محمد رضوان کا کیچ چھوٹنا پاکستان کے لیے ایک قیمتی تحفہ ثابت ہوا۔

اس دوسری اننگ میں عبداللہ شفیق اور محمد رضوان کے کیچ ڈراپ کرنے سے فتح آسٹریلوی ٹیم سے دور ہو گئی۔ شفیق کا کیچ بیس کے اسکور پر اسٹیو اسمتھ نے ڈراپ کیا اور وہ پھر چھیانوے کے اسکور پر آؤٹ ہوئے۔ محمد رضوان کا کیچ عثمان خواجہ نے میچ کے آخری اوورز میں ڈراپ کیا۔

آسٹریلوی کرکٹ بورڈ پاکستان اور بھارت کی میزبانی کے لیے تیار

یہ دونوں کیچ نہ چھوڑے جاتے تو آسٹریلیا کی جیت یقینی تھی۔ پاکستان کی دوسری اننگ میں بابر اعظم کے علاوہ محمد رضوان اور عبداللہ شفیق نے بھی شاندار کھیل کا مظاہرہ کیا۔ بابر اعظم ایک سو چھیانوے اور محمد رضوان ناٹ آؤٹ سینچری بنانے میں کامیاب رہے۔ دوسری اننگ میں پاکستانی ٹیم کا اسکور سات وکٹوں پر چار سو تینتالیس رہا۔

آسٹریلوی بالنگ اور بیٹنگ

آسٹریلیا کی ٹیم نے کراچی ٹیسٹ میں بلے بازی کرتے ہوئے شاندار کھیل کا مظاہرہ کیا تھا۔ آسٹریلیا نے پہلی اننگ میں نو کھلاڑیوں کے آؤٹ ہونے پر پانچ سو چھپن رنز بنائے اور ڈیکلیئر کر دیا تھا۔ اس میں عثمان خواجہ کی شاندار سینچری بھی شامل تھی۔ دوسری اننگ میں آسٹریلوی ٹیم نے اننگز اس وقت ختم کر دی تھی جب اس کے دو وکٹوں کے نقصان پر ستانوے رنز تھے۔ پاکستان کو میچ جیتنے کے لیے پانچ سو چھ رنز کا ٹارگٹ دیا گیا۔ مہمان ٹیم کے تجربہ کار اسپنر نیتھن لیون پاکستان کی دوسری اننگ میں چار کھلاڑیوں کو آؤٹ کرنے میں کامیاب رہے۔ دونوں آسٹریلوی اسپن بالروں نے ایک سو نو کے قریب اوورز پھینکے۔ نیتھن لیون نے پچپن اور میچل سویپسن نے تریپن اوورز اور تین بال پھینکے۔

پاکستان-آسٹریلیا ٹیسٹ سیریز: پاکستان میں 'کلین سویپ ' کے لیے پر امید ہیں، نیتھن لائن

کراچی ٹیسٹ میچ کا بہترین کھلاڑی بابر اعظم کو ایک طویل 'میچ سیونگ‘ اننگ کھیلنے پر قرار دیا گیا۔ وہ ایک سو چھیانوے رنز بنانے میں کامیاب رہے۔

بقیہ سیریز

تیسرا کرکٹ ٹیسٹ لاہور کے قذافی اسٹیدیم میں اکیس مارچ سے کھیلا جائے گا۔ اس کے بعد میزبان اور مہمان ٹیم کے درمیان تین پچاس پچاس اوورز کے ایک روزہ انٹرنیشنل میچوں اور اکلوتا ٹی ٹوئنٹی میچ کھیلا جائے گا۔ یہ تمام محدود اوورز کے میچ راولپنڈی میں کھیلے جائیں گے۔

راولپنڈی میں کھیلا جانے والا پہلا ٹیسٹ میچ کسی سنسنی خیزی کے بغیر بالروں کو تھکانے اور بیٹرز کے اسکور بنانے پر ختم ہوا تھا۔

عابد حیسن / ا ا