پاکستان کے آرچ بشپ کارڈینل  مقرر

اتوار کے روز پوپ فرانسس نے دنیا کے پانچ براعظموں سے چودہ افراد کی بطور کارڈینل تقرری کا اعلان کیا تھا۔ پوپ کا کہنا تھا کہ وہ ان افراد کو چن رہے ہیں، جو غریب عوام کے لیے کام کرتے ہیں اور ان کا تعلق ان ممالک سے ہے جہاں کیتھولک ایک اقلیت ہیں۔ یہ کارڈینل پاکستان کے علاوہ اٹلی، اسپین، پرتگال، پولینڈ، عراق، جاپان، مڈغاسکر، پیرو، میکسیکو اور بولیویا سے منتخب کیے گئے ہیں۔  29 جون کو ویٹیکن میں ایک تقریب میں انہیں باقاعدہ کارڈینل کے عہدے پر فائز کیا جائے گا۔

کراچی کے جوزف کوٹس دوسرے پاکستانی آرچ بشپ ہیں جنہیں کارڈینل منتخب کیا گیا ہے۔ انہیں کراچی کا آرچ بشپ 2012 میں بنایا گیا تھا۔ کوٹس پاکستان میں ‘کاریٹاس پاکستان‘ کے نیشنل ڈائریکٹر کے عہدے پر فائز رہ چکے ہیں۔ وہ مسلمانوں کے ساتھ بین المذاہب مذاکراتی عمل کا بھی سرگرم حصہ ہیں اور ’پاکستان کیتھولک بشپس کانفرنس‘ کے صدر بھی ہیں۔ انہوں نے فلاسفی میں پی ایچ ڈی کی ڈگری حاصل کی ہوئی ہے۔ وہ انگریزی، اطالوی، جرمن، فرانسیسی، اردو، پنجابی اور سندھی زبان بول سکتے ہیں۔

کراچی میں ایک تقریب میں پاکستان پیپلز پارٹی کے رکن بلاول بھٹو زرداری نے انہیں مبارکباد پیش کی۔ ان کی جانب سے جاری بیان میں کہا گیا ہے،’’ ہمیں بہت فخر ہے کراچی کے آرچ بشپ کو پوپ فرانسس نے کارڈینل کا عہدہ دیا ہے۔‘‘ بلاول کا کہنا ہے کہ ہم ایک پرامن اور برداشت رکھنے والے پاکستان کے لیے کام کرتے رہیں گے۔

مہاجرین کے لیے دل کھلے رکھو، پوپ فرانسس

پوپ فرانسس کی سندھی اجرک میں سیلفی

ب ج/ ع ا (نیوز ایجنسیاں)