حامد میر کا کہنا ہے کہ پاکستانی سکیورٹی اداروں کو ایبٹ آباد میں اسامہ بن لادن کی موجودگی کا علم نہیں تھا اور یہ ان کی نااہلی تھی۔ انہوں نے کہا کہ اسامہ بن لادن کی ہلاکت سے پاکستان اور خطے میں دہشت گردی ختم نہیں ہوئی۔ ڈی ڈبلیو اردو کے ساتھ ایک انٹرویو میں حامد میر نے کہا کہ یہ تاثر غلط ہے کہ پڑوسی ممالک میں مداخلت کی پالیسی جنرل ضیاء الحق سے شروع ہوئی بلکہ اس کی شروعات بھٹو دور سے ہوئی تھی۔