کینیا: اسکول میں آگ لگنے سے کم از کم 17 بچے ہلاک

پولیس نے جمعہ کو بتایا کہ وسطی کینیا میں ایک اقامتی اسکول میں آگ لگ گئی جس سے 17 طلباء ہلاک ہو گئے۔ اس پرائمری اسکول تقریباً 800 طالب علم پڑھتے ہیں جن کی عمریں 5 اور 12 سال کے درمیان ہیں۔

قومی پولیس کی ترجمان ریسیلا اونیانگو نے بتایا  کہ ریسکیو ٹیمیں نیئری میں ہل سائیڈ اندارشا اکیڈمی پہنچ گئی ہیں۔ انہوں نے خبر رساں ادارے روئٹر‍ز کو بتایا، "آتشزدگی کے واقعے میں ہم نے 17  طلبہ کھو دیے جبکہ 16 زخمی ہوئے ہیں، جن کی حالت تشویش ناک ہے اور انہیں قریبی ہسپتال منتقل کر دیا گیا ہے۔"

کینیا میں یونیورسٹی پر دہشت گردانہ حملے میں ستّر طلبا ہلاک

اونیاگو نے مزید کہا، "جائے وقوعہ سے برآمد ہونے والی لاشیں ناقابل شناخت تھیں۔ ریسکیو کارروائی مکمل ہونے کے بعد مزید لاشیں برآمد ہونے کا خدشہ ہے۔"

پولیس نے بتایا کہ ہلاک ہونے والوں کی اوسط عمر نو سال کے لگ بھگ تھی۔ اس نے بتایا کہ اسکول میں آگ آدھی رات کے قریب بھڑک اٹھی، جس نے ان کمروں کو لپیٹ میں لے لیا جہاں بچے سو رہے تھے۔

کینیا میں چوراسی برس کا کسان پرائمری اسکول میں

اونیاگو نے کہا کہ آگ لگنے کی وجہ معلوم نہیں ہوسکی ہے تاہم تحقیقات کا آغاز کردیا گیا ہے۔

صدر کا اظہار تعزیت

صدر ولیم روٹو نے ہلاک ہونے والوں کے رشتے داروں کے ساتھ تعزیت کا اظہار کیا۔

 انہوں نے ایکس پر ایک پوسٹ میں کہا کہ یہ تباہ کن خبر ہے، "ہمارے خیالات ان بچوں کے خاندانوں کے ساتھ ہیں جو آتشزدگی کے سانحے میں اپنی جانیں گنوا بیٹھے ہیں۔"

قدرتی آفات اور حادثات کے سماجی اثرات

 روٹو نے کہا کہ انہوں نے حکام کو ہدایت کی ہے کہ وہ "اس ہولناک واقعے کی مکمل تحقیقات کریں"، اور وعدہ کیا کہ ذمہ داروں کو "انصاف کے کٹہرے میں لایا جائے گا۔"

آتش زدگی کے واقعات پہلے بھی ہوتے ریے ہیں

 کینیا اور پورے مشرقی افریقہ میں متعدد اسکولوں میں پہلے بھی آتش زدگی کے واقعات ہوچکے ہیں۔

سن 2016 میں، نیروبی کے کبیرا محلے میں گرلز ہائی اسکول میں آگ لگنے سے نو طالبات ہلاک ہو گئیں۔

سن 2001 میں، کینیا کے جنوبی ماچاکوس ضلع میں کینگولی مکسڈ سیکنڈری اسکول ڈیوڈ موٹیسو میں اس کے ہاسٹل پر آتشزدگی کے واقعے میں 67 طالب علم ہلاک ہو گئے تھے۔

 دو طلبہ پر قتل کا الزام عائد کیا گیا تھا، اور اسکول کے ہیڈ ماسٹر اور نائب ہیڈ ماسٹرکو غفلت کا مرتکب قرار دیا گیا تھا۔

 سن 1994 میں تنزانیہ کے شمالی علاقے کلیمنجارو میں لڑکیوں کے شوریتنگا سیکنڈری اسکول میں آگ لگنے سے  اسکول کے 40 بچے زندہ جل گئے اور 47 زخمی ہوگئے تھے۔

ج ا ⁄ ص ز ( اے ایف پی، اے پی، روئٹرز)