عالمی ادارہ صحت (ڈبلیو ایچ او) کے اگلے ہفتے شروع ہونے والے اس اجلاس میں سو سے زائد ممالک کے وزرائے صحت شریک ہوں گے۔ اس اجلاس کو کورونا وائرس کی عالمی وبا کے بعد آگے بڑھنے کے ایک تاریخی موقع کے طور پر دیکھا جا رہا ہے۔ کووڈ انیس کی وبا کے باعث اب تک دنیا بھر میں ڈیڑھ کروڑ سے زائد ہلاکتیں ہو چکی ہیں۔ اس عالمی ادارے کی اسمبلی میں متوقع موضوعات کا جائزہ:
فنڈنگ میں اضافہ
صحت کے اس عالمی ادارے کی مالی ضروریات پورا کرنے کے لیے عطیہ دہندگان نے گزشتہ ماہ ایک اہم ڈیل پر اتفاق کیا تھا۔ اس ڈیل کے تحت ڈبلیو ایچ او کے لیے لازمی مالی معاونت کو بتدریج اضافے کے ساتھ آئندہ چھ سے آٹھ بر س کے دوران کل بجٹ کے 50 فیصد تک لایا جائے گا۔ اس کے بدلے میں ڈبلیو ایچ او عطیات فراہم کرنے والے ممالک کی جانب سے پیش کردہ اصلاحات کی تجاویز کا جائزہ لے گا۔
ڈبلیو ایچ او کی سائٹ پر جموں کشمیر کہاں ہے اور بھارت کی پریشانی کیا ہے؟
اس وقت ڈبلیو ایچ او کے مجموعی بجٹ میں عطیات کی رقوم کا حصہ صرف 16 فیصد ہے۔ اس کا مطلب یہ ہے کہ یہ ادارہ اپنے بہت سے منصوبوں پر کام نہیں کر سکتا کیونکہ یہ رقوم سبھی منصوبوں کی تکمیل کے لیے کافی نہیں۔ ڈبلیو ایچ او اور ڈونر ممالک کے درمیان نئے معاہدے کی منظوری منگل 24 مئی کے روز دیے جانے کی توقع ہے۔
عالمی ادارہ صحت کے موجودہ سربراہ، جن کا دوبارہ انتخاب تقریباﹰ یقینی ہے
ٹیڈروس کا دوبارہ انتخاب
عالمی ادارہ صحت کے نئے سربراہ کے انتخاب کے لیے خفیہ رائے دہی اسی اجلاس میں منگل ہی کے روز ہو گی۔ ووٹنگ کے نتیجے میں ایتھوپیا سے تعلق رکھنے والے اس ادارے کے موجودہ سربراہ ٹیڈروس ایڈہانوم گیبریسس کا دوبارہ انتخاب یقینی ہے۔ ڈبلیو ایچ او کے کانگو میں تعینات عملے کے جانب سے مبینہ جنسی زیادتیوں کے معاملے پر گیبریسس کو تنقید کا سامنا بھی کرنا پڑا تھا۔ تاہم اس کے علاوہ بھی وہ چند دیگر تنازعات کا شکار رہے مگر پھر بھی دوبارہ انتخاب کے لیے فیورٹ سمجھے جاتے ہیں۔
عدم مساوات ختم کردیں تو کورونا وبا کو ختم کرسکتے ہیں،سربراہ عالمی ادارہ صحت
توقع ہے کہ ڈبلیو ایچ او کے سربراہ اپنے ادارے کے مرکزی 'تین ارب‘ نامی اہداف کا جائزہ بھی لیں گے، جن کا مقصد صحت کی سہولیات کی عالمی سطح پر فراہمی اور صحت کی ہنگامی صورتحال میں لوگوں کو بہتر تحفظ فراہم کرنا ہے۔
یوکرین
اس عالمی ادارے کی یورپی شاخ نے اسی مہینے روس کے خلاف ایک قراداد منظور کرتے ہوئے ٹیڈروس سے کہا تھا کہ وہ یوکرین میں صحت کی ہنگامی صورتحال سے متعلق ایک رپورٹ تیار کریں۔ اب رکن ممالک روس کے خلاف ایک نئی قرارداد تیار کر رہے ہیں، جسے منظوری کے لیے آئندہ اجلاس میں پیش کیا جائے گا۔ تاہم سفارت کاروں کا کہنا ہے کہ یہ امکان نہیں کہ ایسی کسی قرارداد کے نتیجے میں روس اس ادارے میں اپنے رائے دہی کے حق سے محروم ہو جائے۔
-
کووڈ کے دوران والدین کو کھو دینے والے بچے
’افسوس ناک ترین واقعہ‘
چودہ سالہ جولیئس گارزا اپنے والد کے دکھ کو کمپیوٹر گیمز کھیل کر بھلانے کی کوشش کرتا ہے۔ اس کے والد دسمبر سن 2020 میں کووڈ انیس کی وجہ سے دم توڑ گئے تھے۔ وہ اور اس کا بھائی اس دن کو یاد کرتے ہیں جب سن 2015 میں ان دونوں کو مارگریٹ اور ڈیوڈ نے اپنی کفالت میں لیا تھا۔ جولیئس کے مطابق ڈیوڈ کی موت اس کی زندگی کا انتہائی دکھ بھرا وقت تھا اور شاید وہ اس کو کبھی بھی بھول نہیں سکے گی۔
-
کووڈ کے دوران والدین کو کھو دینے والے بچے
والد کی یاد میں
جولیئس گارزا کی عمر چودہ اور ان کا بھائی عیدان گارزا کی عمر بارہ سال ہے۔ وہ اپنے والد کو ہر مہینے کی تیس تاریخ کو خاص طور پر اپنی دعا میں یاد کرتے ہیں۔ مارگریٹ کے شوہر مرحوم ڈیوڈ کی سالگرہ تیس اپریل کو ہوتی ہے اور وہ کووڈ انیس کی وجہ سے تیس دسمبر سن 2020 کو موت کے منہ میں چلے گئے تھے۔
-
کووڈ کے دوران والدین کو کھو دینے والے بچے
صورت حال سمجھنے کی کوشش
مارگریٹ گارزا اور ان کا بیٹا جولیئس تصویر میں دیکھے جا سکتے ہیں۔ ڈیوڈ اور ان کے بھائی کے اصل والد کو سوتیلی بیٹی کا جنسی استحصال کرنے کے جرم میں جیل بھیج دیا گیا تھا۔ اس واقعے کے بعد ڈیوڈ ان کے کفیل بن گئے تھے۔ اب جولیئس اس کوشش میں ہے کہ وہ ڈیوڈ کی موت کو سمجھ پائے۔
-
کووڈ کے دوران والدین کو کھو دینے والے بچے
ناقابلِ تلافی نقصان
جوسٹس میکگوون تیرہ سال کی ہیں اور وہ بھی اپنے والد کو کووڈ انیس کی وبا میں کھو چکی ہیں۔ جوسٹس کے والد مئی سن 2020 میں بیماری سے سنبھل نہیں سکے تھے۔ وہ اپنے والد کی سالگرہ کے دن سیڑھیوں میں بیٹھ کر انہیں یاد کرتی ہیں۔ ان کا کہنا ہے کہ امریکا میں ایک ملین افراد ہلاک ہوئے یعنی کھانے کی میز پر ایک ملین خالی کرسیاں، یہ ناقابلِ تلافی نقصان ہے۔
-
کووڈ کے دوران والدین کو کھو دینے والے بچے
’وہ وہی کرتی ہے جو والد کیا کرتے تھے‘
جوسٹس کی والدہ ڈاکٹر سینڈرا میکگووں واٹس کا کہنا ہے کہ وہ اپنی بیٹی کے معمولات کو سنبھالے ہوئے ہیں لیکن وہ اپنے والد کے انداز کو اپنانے کی کوشش کرتی ہیں۔ گزشتہ برس گھر میں اُگی جھاڑیوں کو اس نے باپ کا ٹرمر اٹھا کر کاٹا تھا۔
-
کووڈ کے دوران والدین کو کھو دینے والے بچے
ایک مشترکہ روایت
جوسٹس میکگوون گھر میں اوون میں سے بسکٹوں کو باہر نکال رہی ہے، ایسا وہ اپنے مرحوم باپ کے سامنے کیا کرتی تھی۔ زندگی کئی بچوں کے لیے تبدیل ہو کر رہ گئی ہے لیکن وہ جذباتی چیلنجز کا مقابلہ کرنے کی کوشش میں ہیں۔
-
کووڈ کے دوران والدین کو کھو دینے والے بچے
ہزاروں بچوں کے والدین میں سے ایک اب زندہ نہیں
ابھی تک ان امریکی بچوں کی فلاح و بہبود کسی حکومتی پروگرام میں شامل نہیں، جن کے والدین میں سے ایک وبا کے دوران ہلاک ہو چکے ہیں۔ محققین کے مطابق امریکا میں دو لاکھ تیرہ ہزار سے زائد ایسے بچے ہیں جن کے والدین میں سے ایک کووڈ انیس کی وجہ سے دنیا سے چلے گئے ہیں
-
کووڈ کے دوران والدین کو کھو دینے والے بچے
بادلوں کو چھونے جیسا
عیدان گارزا اپنے باپ کی پسندیدہ کرسی پر بیٹھ کر ان کو یاد کرتے ہوئے کہنے لگا کہ ڈیوڈ ایک سیدھے اصولوں والا انسان تھا۔ عیدان کے مطابق ڈیوڈ ایک پرجوش اور نرم دل انسان تھے اور جب بھی وہ ان کے گلے لگتا تھا تو ایسا محسوس ہوتا تھا کہ وہ بادلوں کو چھو رہا ہے۔
-
کووڈ کے دوران والدین کو کھو دینے والے بچے
’ہمارا حالات دوسروں کی طرح نہیں ہیں‘
عیدان، جولیئس اور مارگریٹ ڈیوڈ کی تصویر کی تصویر کے سامنے اکھٹے ہیں۔ یہاں وہ برتن بھی رکھا ہوا ہے، جس میں ڈیوڈ کی راکھ ہے۔ مارگریٹ اپنے شوہر کی موت کے بعد اپنے بچوں کی نفسیاتی کاؤنسلنگ بھی کروا چکی ہے۔ عیدان اور جولیئس کا کہنا ہے کہ ان کا نارمل دوسرے خاندانوں جیسا نہیں ہو سکتا کیونکہ وہ اپنا ایک عزیز اس وبا میں کھو چکے ہیں۔
صحت کے بین الاقوامی ضوابط میں اصلاحات
اسی اسمبلی میں ایسے لازمی قانونی ضوابط میں اصلاحات کا معاملہ بھی اٹھایا جائے گا، جن کے تحت رکن ممالک صحت عامہ کی ہنگامی صورتحال میں اپنی ذمہ داریاں انجام دینے کے پابند ہوتے ہیں۔ ورلڈ ہیلتھ آرگنائزیشن کے پرنسپل لاء آفیسر اسٹیو سالومن کے مطابق اس سلسلے میں امریکی سربراہی میں کی جانے والی کوششوں پر توجہ مرکوز رکھی جائے گی، جن کے تحت یہ اصلاحات تیز رفتاری سے محض ایک سے دو سال کے عرصے میں نافذالعمل ہو جائیں گی۔ رکن ریاستوں میں باہمی اختلافات کے سبب چند دیگر مجوزہ تبدیلیوں پر بات چیت بعد میں کی جائے گی۔
یورپی یونین میں فضائی آلودگی سے تین لاکھ سے زائد افراد ہلاک
ڈبلیو ایچ او کے اس عام اجلاس میں باقاعدہ ایجنڈے سے ہٹ کر بھی بعض امور پر بحث کی جائے گی:
کووڈ کا آغاز
ڈبلیو ایچ او نے کووڈ انیس کی وبا کا باعث بننے والےکورونا وائرس کے آغاز کے مقام کا تعین کرنے کی ذمہ داری ایک سائنسی مشاورتی پینل کو سونپی تھی۔ اس پینل نےگزشتہ برس چین میں کورونا وائرس کے ابتدائی کیسز سے متعلق تفتیش بھی کی تھی۔ تاہم اس حوالے سے چند سوالات ابھی تک حل طلب ہیں۔
-
کورونا کی وبا میں پھیلی اداسی سے کیسے بچا جائے
چہل قدمی کیجیے
قدرتی مناظر میں گھرے ہوئے مقامات ہوں یا گہرے جنگل، جھیل، ندی یا سمندر کا کنارہ ہو یا پہاڑی راستے، ایسی جگہوں پر تیز رفتار چہل قدمی یا ٹہلنا انتہائی راحت بخش اور صحت مند ہوتا ہے۔ ایک سروے کے مطابق جرمن باشندے عام دنوں سے کہیں زیادہ کورونا کی وبا میں یہ کرتے دکھائی دیے۔
-
کورونا کی وبا میں پھیلی اداسی سے کیسے بچا جائے
آپ کے ڈرائنگ روم کی دنیا
سیاحت پر لگی پابندی نے انسانوں کو بہت بے صبر بنا دیا ہے۔ جیسے ہی سفر کرنا دوبارہ ممکن ہوا، لوگ اپنے اپنے بیگ اٹھائے ہوائی یا بحری جہازوں کا رخ کریں گے۔ کووڈ انیس کی وبا میں گھر میں بیٹھ کر دنیا بھر کی سیر ورچوئل طریقے سے بھی ممکن ہے۔ مفت اور محفوظ۔ بہت سی ویب سائٹس مختلف شہروں اور عجائب گھروں کے ورچوئل دورے کراتی ہیں۔ اس طرح آپ اپنے اگلے حقیقی سفر کا منصوبہ بھی بنا سکتے ہیں۔
-
کورونا کی وبا میں پھیلی اداسی سے کیسے بچا جائے
متحرک رہیں
اپنی سائیکل پکڑیں اور کسی پارک میں بنے سائیکل ٹریک پر سائیکلنگ کیجیے یا پتلی پگڈنڈیوں پر۔ اگر یہ ممکن نا ہو تو اپنے ڈرائنگ روم میں یوگا میٹ بچھا کر یوگا کیجیے۔ بہت سے فٹنس ٹیچرز نے آن لائن تربیتی پروگرام اپ لوڈ کیے ہیں۔ اسمارٹ فون پر ایپس بھی موجود ہیں۔ مفت ورزش کی کلاسوں میں حصہ لیجیے۔ اس طرح کورونا وائرس کی وبا کی پھیلائی اداسی دور کرنے میں مدد ملے گی۔
-
کورونا کی وبا میں پھیلی اداسی سے کیسے بچا جائے
کسی خیالی دنیا کی سیر
کسی حیرت انگیز ایڈونچر کے دوران خود کو ایک جنگی شہسوار یا ’نائٹ‘ تصور کریں۔ ویڈیو گیمز لاک ڈاؤن کی بوریت اور مایوس کن صورتحال سے آپ کو نکالنے میں بہت مدد دیتی ہیں۔ ان گیمز کے ذریعے آپ ایک نئی دنیا تشکیل کر سکتے ہیں جس میں آپ کی ملاقات انتہائی دلچسپ کرداروں سے ہوتی ہے۔ یہاں تک کہ انٹرنیٹ پر ویڈیو گیمز کھیلنے والے دیگر شائقین سے بھی آپ کا رابطہ ہو سکتا ہے۔
-
کورونا کی وبا میں پھیلی اداسی سے کیسے بچا جائے
کتابی کیڑا ہی بن جائیں
کتابوں کے ڈھیر آپ کے منتظر ہیں۔ آج کل عام دنوں سے کہیں زیادہ وقت کتابوں کو پڑھنے میں صرف کیا جا سکتا ہے یا کسی پوڈکاسٹ کو سننا بھی بوریت دور کرنے کا بہترین طریقہ ہے۔ ایسے ہی جیسے مختلف پزل گیمز۔ لاک ڈاؤن میں کام کے اوقات کم ہو گئے ہیں۔ دفتر آنے جانے میں صرف ہونے والا وقت بھی آپ گھر پر کتابیں پڑھتے یا آڈیو بکس سنتے ہوئے گزار سکتے ہیں۔
-
کورونا کی وبا میں پھیلی اداسی سے کیسے بچا جائے
صفائی ستھرائی اور بکھرے سامان کو ترتیب دینا
اپنی الماریوں اور کتابوں کی شیلفوں پر نظر ڈالیے۔ آپ کو اندازہ ہو گا کہ آپ نے کتنے لباس الماریوں میں بے ترتیب بھرے ہوئے ہیں اور الماریوں کے خانوں میں کتنی غیر ضروری اشیاء بھری پڑی ہیں۔ جا بجا کتابوں کے ڈھیر لگے ہیں۔ لاک ڈاؤن کے اوقات کا فائدہ اُٹھائیے۔ چیزوں کو ترتیب دینا، گھر کو سلیقے سے سجانا یہ سب بہت راحت بخش ہوتا ہے۔
-
کورونا کی وبا میں پھیلی اداسی سے کیسے بچا جائے
کھانے پکانا
بازاری کھانوں کو وقفہ دیں۔ کھانا پکانے کی کلاسیں آن لائن بھی ہوتی ہیں، جن میں انفرادی یا اجتماعی دونوں طریقوں سے حصہ لیا جا سکتا ہے۔ نئی نئی تراکیب کا استعمال اپنی ذات میں، دوستوں یا پھر اہل خانہ کے ساتھ ذہنی دباؤ اور پریشیانیوں کو کم کرنے میں مدد دیتا ہے۔ سب سے بڑھ کر یہ کہ مزے مزے کے نئے پکوان جب تیار ہو کر میز پر آئیں تو لطف دو بالا ہو جاتا ہے۔
-
کورونا کی وبا میں پھیلی اداسی سے کیسے بچا جائے
باغبانی ایک بہترین مشغلہ
آپ باغبانی اور شجر کاری کے ماہر ہوں یا نا ہوں، مٹی کھودنا، پودے لگانا، پھولوں اور جڑی بوٹیوں کی نگہداشت کرنا اور سبزیاں اگانا، آپ اپنے لان یا بالکونی میں بھی یہ سب کچھ کر سکتے ہیں۔ یہ ایک انتہائی فائدہ مند مشغلہ ہے جو ذہنی تناؤ کو دور کرنے کا بہترین طریقہ ہے۔
-
کورونا کی وبا میں پھیلی اداسی سے کیسے بچا جائے
کچھ وقت مراقبے کے لیے بھی
اگر آپ کو کسی صورت ذہنی سکون نہیں ملتا، تو مراقبہ اس کا بہترین علاج ہے۔ انٹرنیٹ پر لا تعداد ویڈیوز موجود ہیں، جن کی مدد سے آپ مراقبے یا ذہنی ارتکاز فکر کے ابتدائی اسباق سے استفادہ کر سکتے ہیں۔ بہت سی اسمارٹ فون ایپس بھی آپ کو اس عمل کی مشق کرنے میں مدد دے سکتی ہیں۔
کورونا وائرس کی ابتدا کیسے ہوئی؟ ماہرین چین کے دورے پر
ڈبلیو ایچ او کے ایک ترجمان کے مطابق اس پینل کی تفتیشی رپورٹ کا پیش کیا جانا جلد ہی متوقع ہے۔ مگر یہ رپورٹ اس اجلاس کی کارروائی کے ایک حصے کے طور پر جاری نہیں کی جائے گی۔
ضوابط میں اصلاحات
سفارت کاروں کے مطابق صحت کے بین الاقوامی ضوابط میں اصلاحات پر بات چیت اجلاس کے بعد دوسال کے عرصے میں کی جائے گی۔ ادارے کی ایک دستاویز کے مطابق ان اصلاحات میں حساس نوعیت کی وہ امریکی تجاویز بھی شامل ہیں، جن میں سے وبا کے شروع ہونے کی جگہوں پر ماہرین کے پینل کی تعیناتی اور نئے ضوابط کے نفاذ کی نگرانی کے لیے ایک نئی کمیٹی کی تشکیل نمایاں ہیں۔ سفارت کاروں کے مطابق روس نے بھی ان ضوابط میں اصلاحات کے بارے میں اپنی تجاویز جمع کرا رکھی ہیں۔
کورونا کے دو سال: دنیا آج بھی وائرس کے پھیلاؤ کے حوالے سے جوابات کی منتظر
-
جانور سے انسان اور پھر وبا تک
وائرس پھیلانے والے
افریقہ میں مختلف قسموں کی چمگادڑوں، خاص طور پر فلائنگ فوکس کہلانے والی چمگادڑ کے جسم میں مختلف طرح کے وائرس موجود ہوتے ہیں، جن میں ایبولا کا وائرس بھی شامل ہے۔ خود ان جانوروں کے لیے بے ضرر یہ وائرس انسانوں کے لیے مہلک ثابت ہو سکتے ہیں۔ افریقہ کے بہت سے ملکوں میں لوگ بڑے سائز کی چمگادڑ کو اُس کے گوشت کی وجہ سے شکار کرتے ہیں اور یوں یہ وائرس آسانی سے انسانوں تک پہنچ جاتا ہے۔
-
جانور سے انسان اور پھر وبا تک
خطرہ گھات لگائے ہوئے
جریدے ’پی ایل او ایس نیگلیکٹڈ ٹراپیکل ڈیزیزز‘ میں محققین نے کہا ہے کہ چمگادڑوں کی کئی اَقسام کے اندر یا تو ایک طویل عرصے سے یہ وائرس موجود تھا اور وہ ابھی تک اتفاق سے انسانوں تک نہیں پہنچا تھا یا پھر اس وائرس کی حامل کوئی چمگادڑ وسطی افریقہ سے اُن علاقوں تک پہنچی ہے، جہاں اب ایبولا ایک وبا کی سی شکل اختیار کر چکا ہے۔
-
جانور سے انسان اور پھر وبا تک
وائرس آگے پہنچانے والے جانور
بعض دفعہ چمگادڑ مختلف طرح کے پھل کھاتے ہیں اور اُنہیں پوری طرح سے ہضم کرنے سے پہلے ہی باہر اُگل دیتے ہیں۔ جب ہرن اور دیگر جانور ان پھلوں کی نیچے گری ہوئی باقیات کو کھاتےہیں تو یہ وائرس اُنہیں بھی متاثر کرتا ہے اور وہ آگے یہ وائرس انسانوں تک پہنچا دیتے ہیں۔
-
جانور سے انسان اور پھر وبا تک
محققین کا انتباہ
افریقہ میں جنگلی جانوروں کو شکار کرنا اور اُن کا گوشت کھانا ایک معمول کی بات ہے۔ ’بُش مِیٹ‘ کے طور پر ان جانوروں کا گوشت بازاروں میں کھلے عام فروخت کیا جاتا ہے۔ محققین خبردار کر رہے ہیں کہ جنگلی جانوروں میں ایسے ایسے وائرس موجود ہوتے ہیں، جن کا انسان کو ابھی اندازہ تک بھی نہیں ہے۔
-
جانور سے انسان اور پھر وبا تک
وائرس سے متاثر ہونے کا خدشہ
ان جانوروں کے گوشت کو کاٹنے اور تیار کرنے کے عمل میں بے پناہ خطرات موجود ہیں۔ ان جانوروں کے خون یا اُن کے جسم میں موجود دیگر لیس دار مادوں کے ساتھ رابطے میں آنے کی صورت میں انسان اس طرح کے وائرس کا آسانی سے شکار ہو سکتا ہے۔ یورپ میں بھی، جہاں چمگادڑوں میں محض چند ایک خطرناک وائرس ہی پائے گئے ہیں، ننگے ہاتھوں کے ساتھ انہیں چھُونے سے منع کیا جاتا ہے۔
مصنف: Hannah Fuchs / امجد علی
عالمی وبائی معاہدہ
عام طور پر صحت کے بین الاقوامی ضوابط کو کسی عالمی وبا سے نمٹنے کے لیے ناکافی سمجھا جاتا ہے۔ اسی سبب ڈبلیو ایچ او کے سربراہ اب ایک نیا معاہدہ چاہتے ہیں۔ نئے معاہدے میں ویکیسن شیئرنگ اور جنگلی جانوروں کی مارکیٹوں پر مکمل پابندی عائد کرنے جیسی تجاویز شامل ہو سکتی ہیں۔ اس ضمن میں بات چیت جون میں بھی جاری رہے گی اور کوئی حتمی معاہدہ، جس کی اپنی قانونی حثیت کا تعین بھی ابھی باقی ہے، سن 2024ء سے قبل تیار نہیں ہو سکے گا۔
وبائی فنڈ
دنیا کے بیس ترقی یافتہ اور ترقی کی دہلیز پر کھڑے ممالک کے گروپ جی ٹوئنی نے مستقبل میں کسی بھی قسم کی عالمی وبا سے نمٹنے کے لیے اربوں ڈالر کے ایک گلوبل فنڈ کے قیام پر اتفاق کیا ہے۔ تاہم اس فنڈ کا قیام ڈبلیو ایچ او سے الگ اور ممکنہ طور پر عالمی بینک کی عمل داری میں ہو گا۔ اس آئندہ فنڈ میں ڈبلیو ایچ او کے کردار کا تعین ابھی نہیں ہوا اور یہ موضوع جنیوا میں عالمی ادارہ صحت کی آئندہ ہفتے شروع ہونے والی اسمبلی کے ایجنڈے کا حصہ بھی نہیں ہے۔
ش ر / م م (روئٹرز)
-
کورونا وائرس سے متاثر ہونے والی بعض صنعتیں
جرمن چانسلر ووہان میں
سن 2019 میں جرمن چانسلر انگیلا میرکل نے ووہان میں ویباسٹو فیکٹری کے بڑے پلانٹ کے دورہ کیا تھا۔ اب یہ کارخانہ بند ہے۔ جرمن ادارے زیمینز کے مطابق اس وبا کے دوران ایکس رے مشینوں کی طلب زیادہ ہونے کا امکان کم ہے اور فوری طور پر کم مدتی کاروباری فائدہ دکھائی نہیں دیتا۔
-
کورونا وائرس سے متاثر ہونے والی بعض صنعتیں
صفائی ستھرائی اور صفائی ستھرائی
کورونا وائرس کی وبا سے کیمیکل فیکٹریوں کی چاندی ہو گئی ہے۔ ڈس انفیکشن سیال مادے کی مانگ میں بے پناہ اضافہ ہو گیا ہے۔ جراثیم کش پلانٹس کو زیادہ سپلائی کے دباؤ کا سامنا ہے۔ یہ ادارے زیادہ سے زیادہ ایسے مواد کی سپلائی پر توجہ مرکوز کیے ہوئے ہیں۔
-
کورونا وائرس سے متاثر ہونے والی بعض صنعتیں
دوکانیں اور ریسٹورانٹس
ووہان میں کے ایف سی اور پیزا ہٹ کے دروازے گاہکوں کے لیے بند کر دیے گئے ہیں۔ سویڈن کے کپڑوں کے اسٹور ایچ اینڈ ایم کی چین بھر میں پینتالیس شاخیں بند کر دی گئی ہیں۔ جینر بنانے لیوائی کے نصف اسٹورز بند کیے جا چکے ہیں۔ ماہرین کا خیال ہے کہ ایسے بڑے اداروں کو کوئی پریشانی نہیں ہو گی کیونکہ آن لائن بزنس سے ان کو کسی مالی نقصان کا سامنا نہں ہے۔
-
کورونا وائرس سے متاثر ہونے والی بعض صنعتیں
ایڈیڈاس اور نائیکی
کھیلوں کا سامان بنانے والے امریکی ادارے نائیکی کی طرح اُس کے جرمن حریف ایڈیڈاس نے بھی کورونا وائرس کی وبا پھیلنے کے بعد اپنے بیشتر اسٹور بند کر دیے ہیں۔ مختلف دوسرے اسٹورز بھی صورت حال پر نگاہ رکھے ہوئے ہیں۔ اس وائرس کے پھیلاؤ سے ان اداروں کو پہنچنے والے نقصانات کا اندازہ لگانا ابھی قبل از وقت خیال کیا جا رہا ہے۔ اشتہاری کاروباری سرگرمیاں بھی محدود ہو کر رہ گئی ہیں۔
-
کورونا وائرس سے متاثر ہونے والی بعض صنعتیں
کارساز اداروں کی پریشانی
اس وائرس کی وبا سے چین میں غیرملکی کار ساز اداروں کی پروڈکشن کو شدید مسائل کا سامنا ہو سکتا ہے۔ مختلف کار ساز ادارے اپنی فیکٹریوں کو اگلے ہفتے کھولنے کا سوچ رہے ہیں۔ جرمن کار ساز ادارے فوکس ویگن کی چین میں تینتیس فیکٹریاں ہیں اور ادارہ انہیں پیر دس فروری کو کھولنے کی خواہش رکھتا ہے۔ یہ بھی کہا گیا کہ گاڑیوں کی پروڈکشن کو فی الحال کوئی خطرہ نہیں۔
-
کورونا وائرس سے متاثر ہونے والی بعض صنعتیں
کوئی بھی محفوظ نہیں ہے
مرسیڈیز بنانے والے ادارے ڈائملر کا کہنا ہے کہ وہ اگلے پیر سے اپنی فیکٹری کھول دیں گے۔ فیکٹری کو یہ بھی فکر لاحق ہے کہ کارخانے کے ورکرز گھروں سے نکل بھی سکیں گے کیونکہ یہ تاثر عام ہے کہ کوئی بھی انسانی جان کورونا وائرس کی لپیٹ میں آ سکتی ہے۔ کئی گاڑیوں کو فروخت کرنے والے اداروں کے ملازمین گھروں میں بیٹھ کر کام کر رہے ہیں۔
-
کورونا وائرس سے متاثر ہونے والی بعض صنعتیں
ہونڈا کی احتیاط
جاپانی کار ساز ادارے ہونڈا کے فاضل پرزے بنانے والی تین فیکٹریاں ووہان شہر میں ہیں۔ یہ چینی قمری سال کے آغاز سے بند ہیں۔ اب تک کی اطلاعات کے مطابق یہ تیرہ فروری تک بند رہیں گے۔ ایک ترجمان کے مطابق یہ واضح نہیں کہ ہونڈا کی پروڈکشن شروع ہو سکے گی کیونکہ مقامی انتظامیہ کی ہدایات پر عمل کرنا لازمی ہے۔
-
کورونا وائرس سے متاثر ہونے والی بعض صنعتیں
اضافی سپلائی روانہ کرنے کا امکان نہیں
کورونا وائرس سے بین الاقوامی سپلائی میں رکاوٹوں کا پیدا ہونا یقینی خیال کیا گیا ہے کیونکہ موجودہ صورت حال بہت گھمبیر ہو چکی ہے۔ اس کی بڑی مثال کار انڈسٹری ہے۔ جنوبی کوریائی کار ساز ادارے ہنڈائی نے تو اپنے ملک میں پروڈکشن بند کرنے کا فیصلہ کیا ہے کیونکہ چین سے اضافی پرزوں کی سپلائی ممکن نہیں رہی۔ اندازہ لگایا گیا ہے کہ یہ صورت حال ساری دنیا میں پیدا ہونے کا قوی امکان ہے۔
-
کورونا وائرس سے متاثر ہونے والی بعض صنعتیں
چینی لوگ بھی محتاط ہو کر دوری اختیار کر رہے ہیں
کورونا وائرس کے اثرات جرمن فیسٹیول پر بھی ظاہر ہونا شروع ہو گئے ہیں۔ ان میلوں میں شریک ہونے والے چینی شہری وائرس کی وجہ سے پریشانی کا شکار ہیں اور اس باعث شرکت سے دوری اختیار کرنے لگے ہیں۔ فرینکفرٹ میں صارفین کے سامان کے بین الاقوامی فیسٹیول ایمبینٹے میں کم چینی افراد کی شرکت کا اندازہ لگایا گیا ہے۔ لفتھانزا سمیت کئی دوسری فضائی کمپنیوں نے وائرس کی وجہ سے چین کے لیے پروازیں بند کر دی ہیں۔
-
کورونا وائرس سے متاثر ہونے والی بعض صنعتیں
جرمنی میں وائرس سے بچاؤ کی تیاری
فرینکفرٹ میں شروع ہونے والے فیسٹیول میں شرکا کو محفوظ رکھنے کے لیے ایک قرنطینہ یا کوارنٹائن تیار کی گئی ہے تا کہ کسی بھی مہمان میں اس کی موجودگی کی فوری تشخیص کی جا سکے۔ ووہان سے جرمنی کے لیے کوئی براہ راست پرواز نہیں ہے۔ جرمن شہر فرینکفرٹ کے لیے زیادہ تر پروازیں بیجنگ اور ہانگ کانگ سے اڑان بھرتی ہیں۔
مصنف: عابد حسین (ڈرک کوفمین)
