سمندر میں کشتی الٹنے سے چھ بچوں سمیت آٹھ تارکین وطن ہلاک

یونانی دارالحکومت ایتھنز سے پیر 25 نومبر کو ملنے والی رپورٹوں کے مطابق ملکی ساحلی محافظوں کو جزیرے ساموس کے قریب کھلے سمندر سے جو آٹھ لاشیں ملیں، ان میں سے دو خواتین کی تھیں اور باقی چھ نابالغ بچوں کی۔

جرمنی: مستقل سرحدی نگرانی، غیر قانونی افراد کی آمد میں کمی

یہ ہلاک شدگان ان تقریباﹰ پچاس تارکین وطن میں شامل تھے، جو ایک کشتی میں سوار ہو کر غیر قانونی طور پر یورپی یونین میں داخلے کے لیے سفر میں تھے کہ یہ کشتی سمندر میں الٹ کر ڈوب گئی۔ یہ نہیں بتایا گیا کہ مرنے والوں کا تعلق کس ملک یا کن ممالک سے تھا۔

اس کے علاوہ یونانی پولیس نے ساموس کے جزیرے کے شمالی حصے سے ایسے 36 دیگر تارکین وطن کو ریسکیو بھی کر لیا، جو بظاہر اسی ڈوب جانے والی کشتی کے مسافر تھے اور سمندر میں تیر کو اس جزیرے تک پہنچنے میں کامیاب ہو گئے تھے۔

پرتگال میں غیر ملکی مزدوروں کے لیے قوانین سخت بنا دیے گئے

تین دیگر تارکین وطن اسی جزیرے کے ایک چٹانی حصے میں پھنسے ہوئے تھے، انہیں بھی کوسٹ گارڈز نے بچا لیا۔

ہوائی جہاز اور ریسکیو کشتیوں کے ذریعے ممکنہ طور پر زندہ افراد کی تلاش

حکام کے مطابق ملکی کوسٹ گارڈز کو تارکین وطن کی اس کشتی کے سمندر میں ڈوب جانے کا علم ہونے کے بعد تب تک ممکنہ طور پر سمندر میں زندہ افراد کی تلاش کے لیے کی جانے والی کارروائیوں میں ایک ہوائی جہاز اور کئی ریسکیو کشتیوں نے بھی حصہ لیا۔

نیدرلینڈز اور ہنگری سیاسی پناہ کے یورپی قانون سے کیوں نکلنا چاہتے ہیں؟

کوسٹ گارڈز کو سمندر میں اس حادثے کی اطلاع ایک غیر حکومتی امدادی تنظیم نے دی تھی، جس کا اندازہ تھا کہ ڈوبنے سے قبل ساموس کے جزیرے کے قریب تک پہنچ جانے والی اس غیر محفوظ کشتی پر تقریباﹰ 50 انسان سوار تھے، جو پناہ کی تلاش میں یورپی یونین کی طرف سفر میں تھے۔

انگلش چینل میں سفر کے دوران مزید آٹھ تارکین وطن ڈوب کر ہلاک

اس حادثے کی اطلاع ملنے کے بعد یونانی کوسٹ گارڈز نے مجموعی طور پر تقریباﹰ 40 تارکین وطن کو زندہ بچا لیا جبکہ سمندر میں تیز ہواؤں اور خراب موسمی حالات کے باوجود ممکنہ طور پر زندہ افراد کی تلاش آخری خبریں ملنے تک جاری تھی۔

یونان، تارکین وطن کے لیے یورپی یونین میں داخلے کا دروازہ

یورپی یونین کا رکن ملک یونان جغرافیائی طور پر اس بلاک کے جنوب مشرقی کنارے پر واقع ہے۔ یونان کے بحیرہ ایجیئن میں واقع متعدد جزائر ترکی سے اپنے کم فاصلے کی وجہ سے بہت سے تارکین وطن اور مہاجرین کے لیے یورپی یونین میں داخلے کا ترجیحی گیٹ وے سمجھے جاتے ہیں۔

ہزاروں تارکین وطن کی تیر کر مراکش سے اسپین پہنچنے کی کوشش

انتہائی خطرناک اور غیر قانونی سمندری سفر کے بعد یونان کے ان جزائر تک پہنچنے کی کوشش کرنے والے تارکین وطن، مہاجرین اور پناہ کے متلاشی غیر ملکیوں کا تعلق زیادہ تر مشرق وسطیٰ، افریقہ اور ایشیائی کے مختلف ممالک سے ہوتا ہے۔

اٹلی: مہاجرین کی کشتیاں غرقاب، گیارہ ہلاک، درجنوں لاپتہ

دو ہزار پندرہ اور دو ہزار سولہ کے دوران اس راستے سے ترکی سے اپنا سفر شروع کرنے والے ایک ملین سے زائد تارکین وطن یونان کے مشرقی جزائر تک پہنچے تھے۔ ان میں سے بہت سے راستے میں کشتیان الٹ جانے کی وجہ سے سمندر میں ڈوب بھی گئے تھے۔

اس سال اب تک یونان پہنچنے والے ایسے تارکین وطن کی تعداد تقریباﹰ 54 ہزار ہو چکی ہے، جو جنوبی یورپ میں اٹلی کے بعد کسی بھی ملک میں گزشتہ گیارہ ماہ کے دوران پہنچنے والے تارکین وطن کی دوسری سب سے بڑی تعداد ہے۔

م م / ش ر (روئٹرز، اے ایف پی)