′امن قائم کرنے کی پاکستان کی کوششیں قابل ستائش ہیں‘ | حالات حاضرہ | DW | 09.01.2018
  1. Inhalt
  2. Navigation
  3. Weitere Inhalte
  4. Metanavigation
  5. Suche
  6. Choose from 30 Languages

حالات حاضرہ

 'امن قائم کرنے کی پاکستان کی کوششیں قابل ستائش ہیں‘

پاکستان میں تعینات جرمن سفیر مارٹن کوبلر نے آج پاکستان کی فوج کے ہیڈکوارٹرز میں فوج کے سربراہ جنرل قمر باجوہ سے ملاقات کی۔

پاکستان کی فوج کے شعبہء تعلقات عامہ کی جانب سے جاری بیان کے مطابق اس ملاقات میں امن و استحکام کے ساتھ ساتھ باہمی دلچسپی کے امور پر گفتگو کی گئی۔ اس بیان میں مزید لکھا گیا ہے،’’جرمن سفیر نے اس موقع پر پاکستان کی جانب سے خطے میں امن و استحکام قائم کرنے کی کوششوں کو بھی سراہا۔‘‘

دوسری جانب آج پاکستان کے وزیر دفاع خرم دستگیر نے اسلام آباد میں ایک سیمینار سے خطاب کرتے ہوئے کہا کہ علاقائی اور بین الاقوامی طاقتوں کو پاکستان پر الزام تراشی کرنے کے بجائے اس کے ساتھ تعاون کرنا چاہیے۔ وزیر دفاع نے کہا کہ امریکا نے پاکستان کی امداد بند نہیں کی بلکہ امریکا نے دراصل دہشت گردی پر قابو پانے کے لیے مذکراتی عمل کو ختم کر دیا ہے۔

اشتہار