ویلنٹائن ڈے منایا جائے یا نہیں؟

گزشتہ چند برسوں میں پاکستان میں ویلنٹائن ڈے کی مقبولیت میں کافی اضافہ ہوا ہے اور بہت سے افراد اس دن کو مناتے ہیں۔ تاہم چند روز قبل سے اس دن کو منانے کے خلاف ایک مہم چل رہی ہے۔ کراچی، اسلام آباد اور کئی دیگر شہروں میں اس دن کو نہ منانے کے پیغامات پر مبنی بینرز لگائے گئے ہیں۔

انٹرنیٹ پر کوہاٹ انتظامیہ کی جانب سے ویلنٹائن ڈے پر پابندی کے بارے ميں نوٹیفیکیشن بھی کافی افراد نے شئیر کیا ہے۔

اس نوٹیفیکشن کو کئی افراد نے تنقید کا نشانہ بنایا ہے۔

سوشل میڈیا پرکچھ ایسے افراد بھی تھے جنہوں نے ویلنٹائن ڈے پر پابندی عائد کرنے کی حمایت کی۔

کچھ میڈیا رپورٹس میں یہ بھی کہا گیا تھا کہ وفاقی دارلحکومت میں بھی ویلنٹائن ڈے پر پابندی عائد کر دی گئی ہے۔ تاہم اسلام آباد کے ڈپٹی کمیشنر نے اس خبر کی تردید کر دی ہے۔