З’езд АГП можа прайсці на сталічнай плошчы
7 апреля 2008 г.Узніклую сітуацыю DW-RADIO пракаментаваў старшыня АГП Анатоль Лябедзька.
“Мы звярталіся больш чым да дваццаці суб’ектаў розных форм гаспадарання, і адусюль прыйшоў адзін і той жа адказ – “не”. У кулуарах нам тлумачаць, што гэтае пытанне ў беларускіх умовах з тэхнічнага, на жаль, пераўтвараецца ў палітычнае. Яшчэ ёсць крышку часу, мы выканалі ўсё, што ад нас патрабуе заканадаўства і наш унутраны статут. Мы напрацягу амаль трох месяцаў праводзілі сходы рэгіянальных арганізацыяў, і ўчора і заўчора ў Брэсце і Гародні прайшлі апошнія справаздачныя канферэнцыі, на якіх былі вылучаныя дэлегаты на з’езд. Улада таксама павінная зрабіць тое, што ад яе патрабуе Канстытуцыя і закон. Мы - арганізацыя, якая афіцыйна зарэгістраваная і выконвае заканадаўства, нават пры нашых крытычных адносінах да гэтага заканадаўства”.
Паводле Анатоля Лябедзькі, у скрайнім выпадку застаецца тэарэтычная магчымасць правядзення форуму па-за межамі краіны, але кіраўнік АГП не ёсць прыхільнікам такога варыянту.
“Мы такую магчымасць не разглядалі, хаця ў нас заўтра адбудзецца Палітычная рада партыі, і самы галоўны пункт парадку дня – падрыхтоўка і правядзенне з’езду. Можа, будуць гучаць і такія прапановы, але я асабіста лічу мэтазгодным праводзіць з’езд Аб’яднанай грамадзянскай партыі Рэспублікі Беларусь у Рэспубліцы Беларусь, а не ў замежжы. Будзем праводзіць з’езд у Мінску, у якіх умовах – гэта ўжо іншая сітуацыя. Можа быць і спалучэнне з’езда з акцыяй пратэста – “два ў адным”.