1. محتوا ته تګ
  2. اصلي مینو ته تګ
  3. د دویچه ویله نورو پاڼو ته تګ
Taliban ordnen die Schließung von Mädchenoberschulen in Afghanistan an
انځور: Ahmad Sahel Arman/AFP/Getty Images

اوچا: زده کړو ته د نجونو لاسرسی د افغانستان یوه جدي اړتیا ده

۱۴۰۱ اردیبهشت ۲۶, دوشنبه

په افغانستان کې د ملګرو ملتونو د بشري مرستو د همغږۍ مشرې د قابله ګانو نړیوالې ورځې ته په اشارې سره په افغانستان کې د ښځو او نجونو د تعلیم پر اهمیت ټینګار وکړ.د طالبانو ویاند وايي چې د نجونو د تعلیم مسله به ژر حل شي.

https://www.dw.com/ps/%D8%A7%D9%88%DA%86%D8%A7-%D8%B2%D8%AF%D9%87-%DA%A9%DA%93%D9%88-%D8%AA%D9%87-%D8%AF-%D9%86%D8%AC%D9%88%D9%86%D9%88-%D9%84%D8%A7%D8%B3%D8%B1%D8%B3%DB%8C-%D8%AF-%D8%A7%D9%81%D8%BA%D8%A7%D9%86%D8%B3%D8%AA%D8%A7%D9%86-%DB%8C%D9%88%D9%87-%D8%AC%D8%AF%D9%8A-%D8%A7%DA%93%D8%AA%DB%8C%D8%A7-%D8%AF%D9%87/a-61814994

په افغانستان کې د ملګرو ملتونو د بشري چارو د همغږۍ دفتر (OCHA) مشرې په افغانستان کې د نجونو له پاره د منځنیو ښوونځیو د تړل کېدو په اړه اندېښنه ښودلې ده.

دغه دفتر مشرې ایزابیل موسارډ کارلسن په خپله ټویټر پاڼه کې لیکلي چې د نن ورځې د ښوونځي نجونې د سبا ډاکټرانې، قابلې، ښوونکې او انجینرانې دي.

هغې ټینګار وکړ چې د نجونو او ښځو له پاره ثانوي او لوړو زده کړو ته لاسرسی د بشري حقونو مسله او د افغانانو د راتلونکي له پاره یوه جدي اړتیا ده.

په افغانستان کې د نوي ښوونيز کال له پيل څخه څو مياشتې وروسته لا هم له  شپږم ټولګي څخه پورته نجونې ښوونځيو ته له تګ څخه منع شوي دي.

د نړیوالې ټولنې پر پرله پسې او بیا بیا غوښتنو سره بیره هم  طالبانو تر اوسه په دې اړه پریکړه نه ده کړې.

خو طالب وياند ذبيح الله مجاهد وايي چې د طالبانو حکومت به ډېر ژر د نجونو د ښوونځيو د پرانيستلو پرېکړه وکړي.

مجاهد زیاتوي: «د نجونو د تعلیم موضوع تر  کار او بحث لاندې ده. "هیله شته چې دا مسله به ژر حل شي، ځکه چې دا یوه اړتیا ده.»

د طالبانو ویاند ټینګار کړی دی چې د دوی اداره د روغتیايي خدمتونو په وړاندې کولو او د ښوونځیو په جوړولو کې ډېرې ستونزې لري او له نړیوالې ټولنې او ګاونډیو هيوادونو د مرستې غوښتنه کوي.

امنيت شورا د طالبانو د حجاب فرمان په هکله بحث کوی

طالبانو په افغانستان کې واک ته له رسېدو وروسته پر ښځو او نجونو سخت بندیزونه ولګول.

له همدې امله د افغانستان د روغتیا سکتور د ښځینه نرسانو او قابلو له کمښت سره مخ دی.

د طالبانو د عامې روغتیا وزارت وايي، په ټول افغانستان کې ۳۵ زره قابلې ثبت شوې دي، خو د هغو محدودیتونو له امله چې دغه وزارت ورسره مخ دی په ټول افغانستان کې یوازې ۶ زره قابلې کار کوي.

د افغانستان په ځینو سیمو کې اوس هم لیسې پرانیستې دي؟

دغه هيواد داسې مهال د لوستو او ښځینه روغتیايي کارکوونکو له کمښت سره مخ دی چې د ملګرو ملتونو د وګړو  وجهي صندوق (UNFPA) په دې وروستیو کې په افغانستان کې د میندو د ناوړه وضعیت په اړه راپور کې اندېښنه ښولې.

 دغه اداره وايي چې افغانستان په اسیا کې د میندو د مړینې تر ټولو لوړه کچه لري، چې په هرو ۱۰۰ زرو میندو کې  ۶۳۸ یې د اولاد د زیږون پر مهال مري.

د د دویچه ویله د ورځي موضوع له برخې تیريدل

د دویچه ویله د ورځي موضوع

Symbolbild Afghanistan: Deutsche Diplomaten sprechen mit Taliban

کندهار غونډه؛ آيا د طالبانو د داخلي یووالي د ټینګولو هڅه ده؟

د د دویچه ویله نور مطالب له برخې تیريدل

د دویچه ویله نور مطالب

کور پاڼې ته تګ