موږ له Cookies څخه کار اخلو، تر څو خپل خدمات درته بهتره کړو. په دې اړه نور معلومات زموږ د معلوماتو د خونديتوب په برخه کي موندلای سئ.
ځانگړي مضوعگاني
دلته بايد څلور روښانه سي
پاکستاني چارواکي وايي چې افغانستان سره کرښې ته نژدې د امنيتي ځواکونو یو موټر ته نژدې ځانمرګی بريد شوی چې درې عسکر او درې ماشومان په کې وژل شوي دي. بل خوا د پيښور پولیس وايي چې دوه سیکهان د وسلوالو په ډزو وژل شوي دي.
د طالبانو حکومت وايي چې له داخلي عوایدو جوړه د ۱۴۰۱ لمریز کال بودیجه د سرپرستې کابینې له خوا تصویب شوې. د معلوماتو له مخې په بودیجه کې ۴۴ میلیارده افغانۍ کمښت شته خو وايي چې د بودیجې کسر د عوایدو په راټولیدو بشپړیږي.
عبدالله عبدالله په هیواد کې د وروستیو پیښو په تړاو ویلي دي چي «سرکوب او ډار» افغانستان د کورنۍ جګړې پر لور بیایی. هغه په پنجشیر او د هیواد په نورو ولایتونو کې د وروستیو پیښو د بی طرفه پلټنې غوښتنه کړې.
د افغانستان په ختیځ ننګرهار ولایت کې د طالبانو د حکومت د صنعت او سوداګرۍ ریاست چارواکي وايي چې د چین ځینو سوداګرو په ننګرهار ولایت کې د قیمتي ډبرو برخه کې پانګونې ته زړه ښه کړی دی.
د جي ۷ غونډي د بهرنیو چارو وزیرانو په افغانستان کي د طالبانو له خوا د ښځو او نجونو پر حقونو او آزادیو باندي هغه مخ پر زیاتیدونکي ډول محدودیتونه محکوم کړل چي له مخي یې هغوی له ټولني څخه حذف کیږي.
د پنجشير او د بغلان د اندراب ولسوالۍ اوسيدونکي وايي چې طالبانو د خلکو کورونه په سنگرونو بدل کړي او ملکیان یې شکنجه او په «ډزو یې وژلي» دي. خو طالبان دغه ادعاوې ردوي او وايي چې په سيمه کې يوازې «تصفيوي عملیات» روان دي.
ایران چې هره ورځ په سلونو افغانان په جبري ډول اخراجوي، د لومړي ځل له پاره یې بیا شلو افغان سوداګرو ته تابعیت ورکړی. د طالبانو او هرات ځايي چارواکي وايي د ایران له دې پریکړې خبر دی او دغه اقدام له زیانه ډک بولي.
د کندهار ولایت چارواکي وايي چې په دې ولایت کې یې د موسساتو سره په همغږۍ د ښاري زرغونتیا په برخه کې ۸۰۰۰ کسانو ته لنډمهاله کاري زمینه برابره کړې ده. د لنډمهاله کاري فرصتونو په هکله اقتصادي کارپوهان څه وايي؟
په افغانستان کې د اروپايي اتحادېې ځانګړي استازي، توماس نيکلسون، د سه شنبې ورځې په مازدیګر د طالبانو د سرپرست داخله وزیر، سراج الدین حقاني سره کتلی دي. دوی د نجونو ښونځيو پر بیرته خلاصیدو او امنيتي وضعیت غږیدلي دي.
ایراني رسنيو د دغه هیواد د بهرنيو چارو وزارت د مرستيال له قوله خبر ورکړی دی چې ایران د افغانستان شلو سوداګرو ته چې د تابعیت قانوني مراحل ېې تیر کړي، تابعیت ورکړی دی.
د ملګرو ملتونو امنیت شورا د پنجشنبې په ورځ په افغانستان کې د ښځو د چادري په هکله د طالبانو پر وروستي فرمان بحث کوي. دغه نوی محدودیت د طالبانو د حاکمیت د لومړنۍ دورې قواعدو ته د هغوی د بیرته ستنیدو نښه ده.
په افغانستان کې د غير ډاډمن وضعيت له کبله په پاکستان کې ميشت افغان مهاجر بيرته هېواد ته ستنېدو ته زړه نه ښه کوي. په روان ميلادي کې يوازې ۲۴ کورنۍ د ملګرو ملتونو په خپله خوښه ستنېدو پروګرام له لارې خپل هيواد تللي دي.
طالبانو ویلي چې له متحده ایالاتو سره یې د افغانستان د پخواني اردو د الوتکو د ورکولو پر سر خبرې پیل کړي چې په پام کې ده اوکراین ته ورکړل شي. سیګار تائید کړې چې د افغانستان د پخوانۍ اردو الوتکې اوکراین ته ورکړل شوي دي.
د سره صلیب نړیوالې کمېټې رئیس ایران ته د یوه سفر په ترڅ کې د دغه هیواد له چارواکو سره د افغان مهاجرو د وضعیت په اړه خبري کړې دي. افغان مهاجر د محدودیتونو له ډيریدو څخه شاکي دي، ایراني چارواکي څه وايي؟
امریکا وايي په افغانستان کې د طالبانو پر حکومت به فشارونه ډېر کړي تر څو د ښځو او نجونو په اړه د وروستیو لګول شوو بندیزونو څخه پر شا شي.
د سرچینو په وینا د پنجشیر ولايت په ځینو سېمو کې اوس هم جګړه روانه ده. طالبان جګړه ردوي او تر دې وړاندې یې هلته د مقاومت جبهې د پرمختګونو ادعاوې هم رد کړې وې. د مقاومت جبهه ادعا کوي چې طالبانو تر ۱۰۰ زیات ملکیان نیولي دي.
