Украина започнува со рестрикции на струјата

Во главниот град  Киев снабдувањето со електрична енергија беше прекинато во одделни домаќинства на кратко време уште синоќа. Украинскиот дистрибутер Укренегро најави тесни грла од денеска и во други области до 22 часот по локално време (21 часот по средноевропско време). Целокупното население е повикано да троши што е можно помалку струја во времето од 7 часот утрото до 22 часот. Истовремено, упатени се апели да се држат во приправност генератори, батерии и рачни ламби.

Веќе десетина дена Русија врши постојани ракетни напади  низ целата Украина, а посебно цели на критичната инфраструктура. Според најновите информации од владата во Киев, во нападите со руски ракети и дронови  украинската енергетска инфраструктура е оштетена во меѓувреме за околу 40 проценти. Се стравува дека  ситуацијата во текот на зимата драстично ќе се влоши.