Ураганот Ијан – кулиса за селфи во Флорида

Високите бранови предизвикани од ураганот Ијан се кулиса за  селфи снимки  која во Ки Вест на Флорида радо ја користат и новинарски екипи, како и туристи и локално население. На многумина меѓутоа не им е до фотографирање – се очекува Ијан дополнително да се засили над топлите води на Мексиканскиот залив и дека ударите на ветрот ќе достигнуваат брзина од 225 километри на час. За 2,5 милиони луѓе е издадена наредба за евакуација.

Невремето претходно предизвика огромни штети на Куба, со налети на ветрот до 250 километри на час. Во цела Куба електричната струја е во прекин, оштетени или уништени се бројни куќи, откорнати се дрвја,  многу улици се под вода.