Селфи пред ураганот „Дориан“

Според метеоролозите, ураганот може да удри на копно на брегот на Јужна Каролина или Северна Каролина. Во двете американски сојузни држави, како и во Џорџија и Вирџинија, прогласена е вонредна состојба. Експертите предупредуваат дека невремето може да донесе опасни по живот поплави и ветрови. Значи, по селфито, брзо во засолниште!

Ураганот „Дориан“ на Бахамите претходните денови предизвика вистинска пустош,  бројот на жртвите, според министерот за здравство, Дјуен Сендс се искачил на 20, а можно е натамошно да расте. ОН соопштија дека 70.000 луѓе имаат итна потреба од помош за преживување.