Херсон: Гласови од еден опколен град | Свет | DW | 05.03.2022

Посети ја новата страница на DW

Погледнете ја бета-верзијата на dw.com. Сѐ уште не сме готови! Вашето мислење може да ни помогне да ја направиме подобра!

  1. Inhalt
  2. Navigation
  3. Weitere Inhalte
  4. Metanavigation
  5. Suche
  6. Choose from 30 Languages
Реклама

Свет

Херсон: Гласови од еден опколен град

Една недела по почетокот на инвазијата на Украина, Русија го има под контрола првиот поголем украински град. Жителите на Херсон за ДВ раскажуваат како е во градот.

Ukraine | Krieg | Raketeneinschläge in einem Wohngebiet in Cherson

Станбена зграда во Херсон погодена од ракета

Херсон е првиот украински град кој е под контрола на руските сили. Украинскиот претседател Владимир Зеленски вчера (4.03) ги повика жителите на градот да излезат на улиците со украински знамиња, пеејќи ја химната. „Херсонци, покажете дека е тоа ваш град“, побара претседателот Зеленски.

Херсон, град со 280.000 жители кој се наоѓа недалеку од полуостровот Крим, има стратешки поволна позиција за Русија. Неговите жители за ДВ зборуваат во врска со ситуацијата во градот.

Перун вели дека руските трупи поставиле блокади на улиците. „Кој оди сам или со само уште еден и притоа носи храна или лекови, најчесто може да помине. Но, има и луѓе кои се вратени назад.“

Пред продавниците за храна и аптеките има долги редици, раскажува Перун: „Многумина се обидуваат да си помогнат меѓусебно и да си разменат лекови.“ Најголемиот дел од луѓето останува дома, доколку е тоа можно.

Во Херсон со години живее и американскиот пензионер Доналд Флет. Тој во телефонски разговор за ДВ раскажува дека бил сведок на ракетни напади во близина на неговиот дом непосредно пред влегувањето на руските трупи. 

„Во една зграда падна ракета на првиот кат. Таму живее една старица. Ја изнесоа на парчиња“, вели тој. Флет нагласува дека е во контакт со градоначалникот Колихајев, кој со руската армија преговара за хуманитарен коридор.

Infografik Karte Ukraine Die größten Städte aktualisiert DE

Најголемите градови во Украина

Руските трупи влегоа во Украина пред една недела и оттогаш се извршени напади на голем број градови. Во последните денови Русија ги засилува воздушните напади, а во истовреме се водат преговори со украинската страна.

Украина вчера соопшти дека биле одбиени руските напади во градот Миколајив, на југ на земјата. Градот Одеса не е изложен на непосредна опасност, изјави советникот на украинскиот претседател Олексиј Арестович. На исток, како што се наведува, ситуацијата во делумно опколениот град Мариупол е „под контрола“. Ваквите наводи немаат потврда од независен извор.

- повеќе: САД и Русија воспоставија воена жешка линија, Украина бара тенкови и подморници

Градоначалникот на Мариупол, Вадим Бојченко, пред да биде најавен денешниот прекин на огнот и петчасовниот коридор за евакуација на граѓаните, во видео објавено на Телеграм завчера оцени: „Денеска беше досега најтешкиот и најужасниот ден на војната.“ Градската управа на Мариупол вчера истакна дека руските трупи континуирано го гаѓале градот и намерно оштетиле цивилна инфраструктура. Оштетените мостови и пруги ја оневозможуваат евакуацијата и снабдувањето со храна и лекови. Снабдувањето со вода и електрична енергија било исто така прекинато.

81-годишниот учител Пјотр во одбрана на Украина

Во јужноукраинскиот град Енерходар руските трупи, според наводи на градоначалникот Дмитро Орлов, пукале врз контролен пункт поставен од страна на цивили. Непријателот дојде со голем воен конвој и употреби опружје против граѓаните, напиша Орлов на Телеграм. Ваквите наводи немаат потврда од независен извор. Русија категорично демантира дека целно напаѓа цивили.

Поврзана содржина