Трамп е горд што не започнал војна и бара молитва за новата влада | Свет | DW | 20.01.2021
  1. Inhalt
  2. Navigation
  3. Weitere Inhalte
  4. Metanavigation
  5. Suche
  6. Choose from 30 Languages
Реклама

Свет

Трамп е горд што не започнал војна и бара молитва за новата влада

Американскиот претседател на заминување во својот проштален говор ја фалеше работата на својата влада и и' посака среќа на идната администрација.

„Неделава почнува со работа со нова влада и се молиме за нејзин успех, за Америка да остане безбедна и богата“, изјави претседателот во заминување Доналд Трамп во својата видеопорака од Белата куќа. „Им посакуваме се' најдобро и сакаме да имаат среќа.“

Во 20-минутниот говор Трамп не го спомна ниту еднаш името на својот наследник Џо Бајден.

Тој не штедеше пофалби за работата на својата влада: „Заедно со милиони работливи патриоти во целата земја создадовме најдобро политичко движење во историјата на оваа земја. Изградивме и најдобра економија во историјата на светот.“

Трамп нагласи дека е особено горд што е „првиот американски претседател со децении кој не започнал нови војни“. САД се повторно „почитувани“ во светот, оцени Трамп и на новата влада и' порача: „Ве молам немојте да ја загубите таа почит.“

Повеќе:

Фотографија на денот: Капитол пред инаугурацијата

Над 20.000 гардисти ќе ја обезбедуваат инаугурацијата на Бајден

Како Трамп со говорот ги манипулира своите приврзеници

Трамо даде позитивна оценка и за својата борба против пандемијата на корона - токму на денот кога бројот на регистрирани смртни случаи од корона во САД го надмина прагот од 400.000. Тој особено ја потенцираше брзината со која била направена вакцината против вирусот.

Трамп во говорот не го призна својот пораз на изборите на 3 ноември 2020. Тој нема да присуствува на инаугурацијата на новиот претседател Џо Бајден во Вашингтон. Неколку часа претходно со претседателскиот авион заминува на својот имот во Флорида.

Непосредно пред крајот на својот мандат, Доналд Трамп помилува над 70 лица, меѓу кои и поранешниот главен стратег во Белата куќа, Стив Бенон.

ARCHIV USA Steve Bannon

Стив Бенон беше еден од најважните советници на Доналд Трамп, но истовремено и најкронтроверзниот

Некогашниот близок соработник на Трамп требаше во мај да одговара пред суд поради обвинувања за проневера на пари во случај со онлајн акција на донирање средства за изградба на ѕид со Мексико, проект кој го туркаше Доналд Трамп. Бенон е осомничен за проневера на повеќе од милион долари. Обвинителството го товари за заговор за перење пари и измама при трансфер на средствата. Бенон беше уапсен минатото лето, но се изјасни како невин и рече дека е жртва на политички прогон. Подоцна беше пуштен од притвор со кауција.

Реклама