Судот ја одби жалбата на Навални, пресудата потврдена | Свет | DW | 20.02.2021

Ние користиме идентификатори на уреди за да ја подобриме нашата понуда. Повеќе информации можете да пронајдете во нашата корисничка политика (и во поставките.

Повеќе информации Ok
  1. Inhalt
  2. Navigation
  3. Weitere Inhalte
  4. Metanavigation
  5. Suche
  6. Choose from 30 Languages
Реклама

Свет

Судот ја одби жалбата на Навални, пресудата потврдена

Алексеј Навални поднесе жалба на пресудата која наиде на неодобрување и од Европскиот суд за човекови права, но рускиот суд тоа не го зеде во предвид.

Russland Alexei Navalny Prozess

Апелациски суд во рускиот главен град Москва ја отфрли жалбата на Алексеј Навални на пресудата за издржување повеќегодишна затворска казна. 44-годишниот критичар на Кремљ, по одбивањето на времето поминато во куќен притвор и веќе издржаниот притвор, треба да помине уште двеипол години во казнен логор, судиите го намалија времетраењето за шест недели.

Преостануваат и натамошни процеси, меѓу другите поради наводна навреда на воени ветерани, за што се расправа исто така денеска а за кое дело обвинителството бара висока парична казна. 

Гледај видео 02:02

Козаци го нападнаа Навални

Навални беше осуден на почетокот на месецов поради прекршување на условната казна во поранешна кривична постапка, нејавување кај судот меѓутоа во време во кое беше на лекување во Германија по атентатот со нервниот отров Новичок врз него. За нападот извршен против него додека престојуваше во Сибир во август, Навални ги обвини руската внатрешна тајна служба и претседателот Владимир Путин, што Кремљ пак го демантираше.

Опозиционерот и неговите поддржувачи судскиот процес го сметаат за политички мотивиран и насочен за замолкнување на политичкиот противник на власта. Затворањето на Навални пред околу еден месец предизвика масовни протести во земјата,уапсени се преку 11.000 луѓе.

Европскиот суд за човекови права во средата побара од Русија итно да го ослободи Навални, а Москва во оваа пресуда гледа мешање во внатрешните работи на земјата. Министрите за надворешни работи на ЕУ в понеделник ќе разгледуваат евентуални натамошни санкции поради случајот Навални.

  • Russland | Putins Palast am Schwarzen Meer

    Раскош и фалбаџиство: вака живеат моќниците

    Тајната мега-резиденција на Путин

    Рускиот претседател Владимир Путин, се тврди, изградил скриена палата на брегот на Црното Море со јавни пари. Видео објавено од антикорупциската фондација на критичарот на Кремљ, Алексеј Навални, прикажува имот кој е 40 пати поголем од Кнежевството Монако. Палатата чинела 1,1 милијарди евра, а наводно ја финансирале руски државни претпријатија.

  • Paläste der Welt | Königlicher Palast Rabat - König von Marokko

    Раскош и фалбаџиство: вака живеат моќниците

    Помпезна палата за кралот на Мароко

    Кралската палата во Рабат е само една од редицата палати кои му припаѓаат на мароканскиот крал Мохамед Шести. Авторите на инвестигативната книга „Кралот арамија“ пишуваат дека одржувањето на палатите даночните обврзници дневно ги чини 1,2 милиони евра. Палатата во главниот град на Мароко е изградена во средината на 19 век, на огромниот имот има и училиште за кралските деца.

  • Türkei I Präsident Recep Erdogan I Bitlis

    Раскош и фалбаџиство: вака живеат моќниците

    Блескавата палата на Ердоган на Езерото Ван

    Додека Турција страда поради економска криза, турскиот претседател Реџеп Таип Ероган гради палати. Меѓу другите, едно велелепно здание е директно на брегот на Ван Езерото, а според турските медиуми, подигањето чинело 14 милиони евра - пари на даночните плаќачи. Донесената забрана за изградба Ердоган ја елиминирал со промена на законот.

  • Paläste der Welt | Istana Nurul Iman Brunei

    Раскош и фалбаџиство: вака живеат моќниците

    250 бањи за султанот од Брунеи

    Во Бандар Сери Бегаван, престолнината на Брунеи, се наоѓа најголемата палата на Земјата: Истана Нурул Иман. Таа од 1984 година е приватна и официјална резиденција на султанот од Брунеи. 1800 соби се распространети на 200.000 квадратни метри, во неа има 18 лифтови и преку 250 бањи. Над сопствената џамија се издига златен покрив. Палатата чини преку една милијарда долари.

  • Paläste der Welt | Rashtrapati Bhavan Delhi Indien

    Раскош и фалбаџиство: вака живеат моќниците

    Резиденција отворена за посетители, ноќе е осветлена

    Изградбата на Раштрапати Бхаван - во превод од индиски - Претседателската палата, траела 17 години. Од 1950 година таа е седиште на индиските претседатели, а во неа престојуваат и странските гости. На четири ката се распоредени 340 соби. Коридорите имаат вкупна должина од дваипол километри, палатата има и сопствена градина, поголема од 100 фудбалски игралишта.

  • Paläste der Welt | Abu Dhabi, Vereinigte Arabische Emirate Präsidentenpalast

    Раскош и фалбаџиство: вака живеат моќниците

    Море од бели куполи

    Скриен град, во срцето на Абу Даби -така може да се нарече 380.000 квадратни метри големата Кваср-ал-Ватан палата. Таа е седиште на владата, претседателот и престонаследникот исто така тука имаат канцеларии и ги пречекуваат во нив странските гости. Позлатени врати, ѕидови од мермер и живописни мозаици ја красат палатата подигната во 2015 година, во меѓувреме отворена и за посетители.

  • Paläste der Welt | Palace of Nations, Dushanbe - Tadschikistan

    Раскош и фалбаџиство: вака живеат моќниците

    Импозантен јарбол

    Официјалната резиденција на претседателот на Таџикистан, Кохи Милат, наречена и Бела куќа, се наоѓа во главниот град на земјата, Душанбе. Но, главната атракција всушност е огромниот јарбол кој е подигнат на земјиштето пред зградата - со 165 метри тој е втор по големина во светот.

    Автор: Рахел Клајн


Поврзана содржина

Alexei Nawalny | russischer Oppositionspolitiker

Навални штрајкува со глад 31.03.2021

Критичарот на Кремљ, Алексеј Навални, затворен во казнен логор, започна штрајк со глад, во знак на протест против недостатокот на медицинска нега.

Russland Gerichtsprozess gegen Kremlkritiker Nawalny

ОН: Русија стои зад атентатот врз Навални 02.03.2021

Труењето на критичарот на Кремљ, Алексеј Навални, оди на сметка на руската држава, оценуваат експерти на ОН и бараат одговорност.

Symbolbild Beziehungen EU - Russland

ЕУ со неколку мали санкции за Русија 22.02.2021

Министрите за надворешни работи на ЕУ договорија нови санкции против Русија поради затворениот критичар на Кремљ, Алексеј Навални.

Реклама
Karikatur: Trump und die Freiheitsstatue

Карикатури за Трамп: Кога смеата е единствена утеха

Карикатуристи од целиот свет реагираат на победата на Трамп  

Wildlife Photographer of the Year 2017 (Foto: Brent Stirton/Wildlife Photographer of the Year)

Неверојатните победници на фотографијата на годината

Лондонскиот музеј на природна историја уште еднаш ги награди најдобрите фототрафии на диви животни. Околу 50 илјади луѓе од 92 земји годинава влегоа во конкуренција. Ова се победниците.  

Temple Mount Jerusalem (picture alliance / ZUMA Press)

Град на судири: комплексната историја на Ерусалим

Ерусалим е еден од најстарите и најоспоруваните градови во историјата на светот. Ерусалим е свет град за евреите, муслиманите и христијаните. Оттука произлегуваат и речиси сите контроверзи поврзани со него.  

Wasserspiele in Macau

Градови на иднината

Со раст на светската популација и преселба во градовите, се создава потреба од нови градови, опремени со висока технологија, кои на луѓето ќе им обезбедат простор за живот и работа во што е можно поеколошко опкружување.  

Italien Stadt Verona Haus Julia (cc-by-sa-3.0-C. Suceveanu)

Пет љубовни обичаи од Европа за кои веројатно не сте чуле

Рози, чоколада, накит - и годинава подароците за Св. Валентин се класични. Притоа, во Европа има многу други традиции со кои може да се „помогне“ расцутувањето на љубовта.  

Karneval in Brasilien (Bildergalerie)

Од Рио па до Рајна: Kарневали ширум светот

„Петтото годишно доба“ се ближи кон својот врв, карневалските поворки се веќе почнати или се подготвуваат, луѓето се костимираат, излегуваат на улиците и слават... до изнемоштеност!