1. Прескокни до содржината
  2. Прескокни до главната навигација
  3. Кон други страници на DW
USA Cape Canaveral Startabbruch SpaceX Falcon 9 Rakete
Фотографија: Reuters/J. Skipper
Техника

Во сабота нов обид на САД за враќање во вселената

СН/агенции
28 мај 2020

Тоа требаше да биде славно враќање на САД во вселената. Но, временските услови си поиграа со плановите. Првиот пробен лет на ракетата на Спејсекс со човечки екипаж беше откажан 16 минути пред полетувањето

https://www.dw.com/mk/%D1%81%D0%BF%D0%B5%D1%98%D1%81%D0%B5%D0%BA%D1%81-%D0%B2%D0%BE-%D1%81%D0%B0%D0%B1%D0%BE%D1%82%D0%B0-%D0%BD%D0%BE%D0%B2-%D0%BE%D0%B1%D0%B8%D0%B4-%D0%BD%D0%B0-%D1%81%D0%B0%D0%B4-%D0%B7%D0%B0-%D0%B2%D1%80%D0%B0%D1%9C%D0%B0%D1%9A%D0%B5-%D0%B2%D0%BE-%D0%B2%D1%81%D0%B5%D0%BB%D0%B5%D0%BD%D0%B0%D1%82%D0%B0/a-53595334

Во вселената нема облаци, но на патот до неа и тоа како. Лошото време го спречи лансирањето на ракетата Фалкон 9, на приватната компанија Спејсекс (SpaceX) на милијардерот Елон Маск, од вселенскиот центар „Кенеди“ на НАСА на Флорида.

Стартот на ракетата  беше откажам 16 минути пред планираното полетување. Капсулата „Драгон“ на ракетата Фалкон 9 требаше да полета кон Меѓународната вселенска станица во 16 часот и 33 минути по локаlно време (22.33 по средноевропско време) од истиот лансирачки подиум кој беше употребен за мисијата Аполо на Месечината пред половина век.

Cape Canaveral vor dem Start SpaceX Falcon 9 Rakete
Фотографија: picture-alliance/AP/NASA/B. Ingalls

Боб Бенкен и Даг Харли требаше да бидат првите американски астронаути кои по речиси 9 години ќе полетаат од американско тло кон Меѓународната вселенска станица, во заеднички потфат на НАСА и на компанијата Спејсекс на Илон Маск, но лансирањето на ракетата денеска беше одложено поради лоши временски услови.

Повеќе:

-Лансирана најмоќната ракета во светот

-Вселенската армија нема да донесе спас

-САД ќе формираат свои вселенски сили

Бенкен и Харли пристигнаа до Флорида со електричен автомобил Тесла, а потоа беа сместени во „носот на ракетата“ Фалкон 9, која ја направи компанијата Спејсекс, а пренесуваа бројни американски и светски медиуми.

Да го следат овoj историски настан дојдоа и претседателот на САД Доналд Трамп и неговата сопруга Меланија, како и потпретседателот Мајк Пенс со сопругата. Трамп претходно изрази надеж дека повторното испраќање на ракетата во Земјината орбита од американско тло ќе го подигне духот на нацијата по месеци борба против коронавирусот.

Cape Canaveral vor dem Start SpaceX Falcon 9 Rakete
Фотографија: Reuters/J. Ernst

Шефот на НАСА беше оптимистичен додека стручњаците кои ги следеа временските услови дадоа 50 отсто шанси дека ракетата ќе може полета. За три дена сѐ ќе се повтори, на 30 мај во 15 часот и 22 минути по локално време. Тогаш постојат 60 насто шанси дека временските услови ќе бидат добри, но како и секогаш на Флорида на пролет се можни бури.

Ова е првпат со ракета и капсула, направени од приватни пари, да се испратат луѓе во вселената, а речиси една деценија откако тоа е направено од територијата на САД. 

Црвената „Тесла“ во вселената

Единствена причина зошто НАСА се согласи да испрати астронаути во ракета финансирана од приватни пари е тоа што компанијата Спејсекс се покажа како исклучително сигурна, а и цената беше релативно ниска. За време на изминатите 10 години оваа компанија лансираше околу 100 ракети, од кои поголемиот дел безбедно се вратија на Земјата, со што стана доминантна во индустријата и е проценета дека има вредност од 40 милијарди долари.

Прескокни го блокот Тема на денот

Тема на денот

Димитар Ковачевски Христијан Мицкоски

Ковачевски и Мицкоски бараат решенија за енергетската криза

Прескокни го блокот Повеќе теми
Врати се на почетната страница