Скандал во германскиот фудбал: Тројца функционери обвинети за измама | Панорама | DW | 07.08.2019
  1. Inhalt
  2. Navigation
  3. Weitere Inhalte
  4. Metanavigation
  5. Suche
  6. Choose from 30 Languages
Реклама

Панорама

Скандал во германскиот фудбал: Тројца функционери обвинети за измама

Тројца поранешни германски фудбалски функционери и еден швајцарски се обвинети за сомнителни исплати поврзани со организацијата на Светското првенство во фудбал во 2006 година, соопшти швајцарското обвинителство

Според обвинителниот акт, поранешните претседатели на Германската фудбалска федерација (ДФБ) Тео Цванцигер и Волфганг Нирсбах, високиот функционер Хорст Шмит и швајцарскиот функционер на ФИФА Урс Линси пред бордот на ДФБ лажно ја претставиле вистинската намена на исплатата на 6,7 милиони евра.
Четворицата отфрлаат одговорност.
Постапката против легендата на германскиот фудбал Франц Бекенбауер, кој е исто така под истрага во случајот, ќе продолжи одделно поради неговите здравствени проблеми кои го оневозможуваат испрашување, соопшти швајцарското обвинителство.
Токму Бекенбауер беше на чело на организацискиот комитет на Светското првенство во 2006 година.

Шмит, Цванцигер и Линси се обвинети за измама, а Нирсбах за соучесништво во измама. Швајцарското обвинителство соопшти дека истрагата во истиот случај за перење пари е прекината.

„Истрагата откри дека во летото 2002 година, Франц Бекенбауер прифатил позајмица од 10 милиони швајцарски франци на негово име и на негова сметка од Роберт Луис-Драјфус. Оваа сума била искористена за финансирање на различни плаќања преку швајцарска фирма на сметката на катарска компанија која ја поседувал Мохамед Бин Хаман“, се наведува во обвинението.


Во тоа време, Бин Хамам беше член на Извршниот комитет на ФИФА и на нејзиниот Финансиски комитет.
„Точната цел на исплатата на 10 милиони швајцарски франци на Мохамед Бин Хамам не можеше да биде утврдена- меѓудругото и затоа што барањето за меѓусебна правна помош до катарските власти од септември 2016 година остана неодговорено до денес“.
Споменатата исплата беше причина за неколку истраги и доведе до оставка на Нирсбах поради сомнежите дека со парите се купувале гласови за добивање на организацијата на Светското првенство во 2006. Цванцигер беше на чело на ДФБ од 2006 до 2012, а Нирсбах го наследи се до избувнувањето на скандалот во 2015.

Истрагата на комисија на ДФБ во 2016 дојде до заклучок дека парите биле исплата за заем преку ФИФА од поранешниот шеф на Адидас, Луис-Драјфус.

Во октомври минатата година германски суд пресуди дека нема докази за осомничените фудбалски функционери да одговараат за даночна евазија.

DW.COM

Реклама