Руска агресија врз Украина: „Војниците дојдоа од небото!“ | Свет | DW | 25.02.2022

Посети ја новата страница на DW

Погледнете ја бета-верзијата на dw.com. Сѐ уште не сме готови! Вашето мислење може да ни помогне да ја направиме подобра!

  1. Inhalt
  2. Navigation
  3. Weitere Inhalte
  4. Metanavigation
  5. Suche
  6. Choose from 30 Languages
Реклама

Свет

Руска агресија врз Украина: „Војниците дојдоа од небото!“

Жители на украинскиот град Гостомел раскажуваат за падобранскиот напад на руските сили во близина на главниот град Киев. Западни разузнавачи проценуваат дека целта на Москва е да го освои Киев.

Ukraine Konflikt | Russischer Militärangriff

Напади на руски авиони врз Гостомел

Руските сили пукаа од отворените врати на хеликоптерите кои летаат над главите на луѓето во обид да ја преземат контролата врз стратешкиот аеродром Гостомел, во близина на Киев, раскажуваат локалните жители.

Според информации на украинскиот генералштаб, борбите на аеродромот Гостомел и натаму траат. Од украинска страна се тврди дека трупите пружаат отпор. 

Очевидци на агенцијата Франс прес, пак, велат дека руските падобранци успеале да ја преземат контролата врз аеродромот и околината откако пристигнале со хеликоптери и авиони од правец на Белорусија.

Ukraine Kiew Kriegshandlungen Russland

Последици од руското бомбардирање во околината на Киев

„Имаше војници кои седеа во хеликоптерите со отворени врати, и летаа директно над нашите куќи“, вели локалниот жител Серхиј Сторожук.

„Дојдоа хеликоптерите и почнаа битките. Пукаа од автоматски пушки, од ракетни фрлачи. Хеликоптерите најпрво бомбардираа, а потоа дојдоа Сухои и фрлаа бомби“, вели тој. 

Стратешка точка 

Аеродромот кај Гостомел, кој уште се нарекува и Антонов поради производството на тој тип авиони, ќе ѝ овозможи на Русија стратешка база за нејзините трупи да можат да пристигнат непосредно пред Киев. Оттаму потоа би можеле да го нападнат градот. 

Flugplatz Gostomel

Авион од типот „Антонов“ на пистата на аеродромот во Гостомел. фото: архива

Очевидци велат дека базата е преполна со најмалку повеќе стотици руски војници.

„Тие пукаа врз мене. Не знам, можеби се обидуваа да ме исплашат. Два хеликоптери летаа зад мене и пукаа настрана од патот“, вели таксистот Микола Шимко.  „Видов најмалку 100 луѓе и сфатив дека нивните униформи не се нашите“.

Очевидците велат дека по првата офанзива следувала битка која траела три часа. Потоа следувале нови напади од авиони, по што хаосот продолжил.

Жителите на малото гратче веднаш до базата, како Људмила Климова, велат дека се во шок и страв по нападот.

„Од базата излегува чад, беше бомбардирана, а нашите куќи се веднаш до неа. Не знаеме каде да бегаме, моите родители се таму, мојата сестра“, вели таа додека се оддалечува од запалените полиња околу аеродромот.

Западни разузнавачки извори тврдат дека планот на руските сили е да го опколат и освојат Киев. Аеродромот Гостомел може да биде клучен за тие напори.

„Многу ќе зависи од тоа колкав отпор ќе пружат Украинците, но убеден сум дека Русите ќе се обидат да распоредат големи сили во главниот град“, вели разузнавачот. 

DW.COM