1. Прескокни до содржината
  2. Прескокни до главната навигација
  3. Кон други страници на DW
Дмитри Песков
Портпаролот на Кремљ, Дмитри ПесковФотографија: Sefa Karacan/AA/picture alliance

Што сака Русија за крај на војната?

БГ /РТР
7 март 2022

Властите во Москва и порачаа на Украина дека ќе ја запрат агресијата врз земјата „моментално“ доколку Киев исполни листа на услови, порача портпаролот на Кремљ.

https://www.dw.com/mk/%D1%80%D1%83%D1%81%D0%B8%D1%98%D0%B0-%D0%BE%D1%82%D0%BA%D1%80%D0%B8-%D0%BD%D0%BE%D0%B2%D0%B8-%D1%83%D1%81%D0%BB%D0%BE%D0%B2%D0%B8-%D0%B7%D0%B0-%D0%BA%D1%80%D0%B0%D1%98-%D0%BD%D0%B0-%D0%B0%D0%B3%D1%80%D0%B5%D1%81%D0%B8%D1%98%D0%B0%D1%82%D0%B0-%D0%B2%D1%80%D0%B7-%D1%83%D0%BA%D1%80%D0%B0%D0%B8%D0%BD%D0%B0/a-61043960

Русија бара од Украина да ги прекине сите воени дејствија, да го смени својот Устав, да го признае Крим како дел од Русија, и да ја признае независноста на сепаратистичките републики Доњецк и Луханск. 

Ова, според портпаролот на Кремљ, Дмитри Песков се барањата на Москва по 12 дневната војна во која загинаа илјадници луѓе, а над 1,7 милиони Украинци избегаа во околните држави.

Песков за Ројтерс изјави дека Украинците се свесни за услови, и им било кажано „дека сѐ може да запре за момент“.  

Русија започна „специјална операција“ за „демилитаризација и денацификација“ на Украина пред 12 дена, но главните цели на војната сега не се споменуваат од страна на Песков. Портпаролот тврди дека Русија нема дополнителни територијални аспирации кон Украина, и тврди дека не е точно оти се бара „предавање на Киев“. 

Подалеку од ЕУ и НАТО 

„Ние ја привршуваме демилитаризацијата на Украина. Ќе ја завршиме. Но најважното е Украина да запре со воените операции. Кога тие ќе сопрат со воените операции никој нема да пука“.

Меѓу руските барања е и смена на украинскиот устав со што земјата ќе се откаже од амбициите да стане членка на ЕУ и НАТО. 

Украина Барикади  Одеса
Украинци поставуваат барикади во ОдесаФотографија: Igor Tkachenko/REUTERS

„Зборувавме и за тоа дека треба да го признаат Крим како руска територија и да Доњецк и Луханск како независни држави. И тоа е сѐ. Ќе запре за момент“, порачува Песков.

Изјавата на Песков дојде во моментите кога започна третата рунда преговори меѓу делегации од двете држави во Белорусија.  

„Тука не се работи за освојување на Луханск и Доњецк од Украина. Доњецк и Луханск не сакаат да бидат дел од Украина. Но тоа не значи дека треба да бидат уништени.

Што се однесува до останатото. Украина е независна држава и може да живее како сака, но под услови на неутралност“, рече Песков. 

 

Прескокни го блокот Тема на денот

Тема на денот

Димитар Ковачевски македонското Собрание

Огнени кочии

Mazedonien Ljupco Popovski
Љупчо Поповски
Прескокни го блокот Повеќе теми

Повеќе теми

Врати се на почетната страница